1. Cossa che Geovà el ne dise de far?

EL AMOR LEAL l’è tanto importante par Geovà. (Ose. 6:6) Lu el dise che tuti noantri ghemo de pensar compagno a lu. Par quela che, par meso del profeta Michea, el ne ga dito par ‘amar el amor leal’. (Mic. 6:8) Ma sol saremo boni de farlo se savemo cossa l’è el amor leal.

2. Cossa che l’è el amor leal?

² Nela Tradução do Novo Mundo da Bíblia Sagrada, ghen’è de pi de 230 volte le parole ‘amor leal’. Ma cossa che l’è el amor leal? Una persona che la ga amor leal la va sempre amar e esser leal a nantra persona. La Bìblia la parla che Dio el mostra amor leal ale persone e che le persone le mostra amor leal intrà de lore. Geovà el mostra questa qualità de maniera perfeta. In questo stùdio, ndaremo imparar come che Geovà el mostra amor leal, e nel pròssimo, ndaremo imparar come podemo mostrar amor leal ai altri.

3. Cossa che Geovà el ga dito sora lu a Moisè?

³ Un tempo dopo che i israeliti i ze ndati via del Egito, Geovà el ga dito a Moisè arquante robe sora el so nome e le so qualità. Lu el ga dito: ‘Geovà, Geovà, un Dio che el ga misericòrdia e compassion, che l’è passiente, che el ga tanto amor leal e che el parla sempre la verità, che el mostra amor leal a miliari, che el perdona el sbàlio, la desobediensa e el pecato.’ (Éso. 34:6, 7) Par meso de queste bele parole, capimo una roba tanto  importante sora el amor leal de Geovà. Che roba la ze questa?

4-5. (a) Cossa che Geovà el parla sora lu stesso? (b) Che domande ndaremo risponder adesso?

⁴ Geovà el ga dito a Moisè che el ga tanto amor leal. La Bìblia la parla altre sei volte sora “gaver tanto amor leal”, e sempre l’è sora el amor che Geovà el ga e nò el amor che le persone le ga. (Nùm. 14:18; Nee. 9:17; Sal. 86:15; 103:8; Gioel 2:13; Giona 4:2) Questo el mostra che el amor leal l’è tanto importante par Geovà. * Davi el ga scrito: ‘Ò Geovà, el to amor leal el riva ai cieli . . . El to amor leal el ga tanto valor. Le persone le va in serca de protession soto la ombria dele to ale.’ (Sal. 36:5, 7) Davi l’era tanto grato par causa del amor leal che Dio el mostra. Sarà che noantri sentimo la medèsima roba?

⁵ Adesso, ndaremo risponder a due domande: ‘A chi Geovà el mostra amor leal? Come el amor leal de Geovà el ne giuta?’ Cossita, ndaremo capir meio cossa che l’è el amor leal.

6. A chi Geovà el mostra amor leal?

⁶ La Bìblia la dise che noantri podemo amar tante robe. Par esémpio, podemo amar piantar e tor su, el vin e el òio, la dissiplina, el saver, la sabedoria e tante altre robe. (2 Cró. 26:10; Pro. 12:1; 21:17; 29:3) Ma no podemo gaver amor leal par robe cossita. Sol podemo gaver amor leal par le persone. Sarà che Geovà el mostra amor leal a tute le persone? Nò! Geovà sol el mostra amor leal ai so amighi. Lu el ghe dà una bela speransa e mai el ndarà abandonarli.

7. Come che Geovà el ga mostrà amor a tuti?

⁷ Geovà el ga mostrà amor a tute le persone. Gesù el ga dito a Nicodemo: “Parché Dio el ga amà tanto el mondo, che el ga dato el so ùnico fiol, cossita tuti quei che i dimostra fede in lu no i sìpia destruti, ma i possa viver par sempre.” — Gioani 3:1, 16; Mat. 5:44, 45.

8-9. (a) Parché che Geovà el mostra amor leal ai so servi? (b) Cossa ndaremo studiar adesso?

⁸ Come ghemo belche visto, Geovà el mostra amor leal sol par i so amighi. Podemo capir questo par meso dele  parole del rè Davi e del profeta Daniel. Par esémpio, Davi el ga dito: ‘Seita a mostrar el to amor leal a quei che te cognosse.’ Lu el ga anca dito: ‘Geovà el ga amor leal par sempre a quei che i lo rispeta.’ E Daniel el ga dito: ‘Geovà el mostra amor leal a quei che i lo ama e a quei che i obedisse i so comandamenti.’ (Sal. 36:10; 103:17; Dan. 9:4) Alora, Geovà el mostra amor leal ai so amighi parché lori i lo cognosse, i lo rispeta, i lo ama e i lo obedisse. Par quela che Geovà el mostra amor leal sol par quei che i lo serve.

⁹ Vanti de cognosser a Geovà, lu el ne amea come el ama a tuti i altri. (Sal. 104:14) Ma dopo che semo deventadi so servi, lu el ga scominsià a gaver el amor leal par noantri. Geovà ‘no’l va mai assar de gaver amor leal ai so servi’. (Isa. 54:10) Davi el ga sentio pròpio questo parché el ga dito che ‘Geovà el trata meio a quei che i ze leai’. (Sal. 4:3) Alora, cossa gavarìssino de far? Quel che dise nel Salmo: ‘El sàbio el ndarà pensarghe sora tuto quel che Geovà el fà che mostra el so amor leal.’ (Sal. 107:43) Alora, ndemo veder tre maniere che el amor leal de Geovà el ne giuta.

10. Come che ne giuta saver che Geovà el mostra amor leal par noantri par sempre? (Salmo 31:7)

¹⁰ Geovà el mostra amor leal par sempre. El Salmo 136 parla 26 volte che Geovà el mostra amor leal par sempre. El primo versìcolo el dise: ‘Ringrassié a Geovà parché lu l’è bon, lu el mostra amor leal par sempre.’ (Sal. 136:1) Nei versìcoli 2 a 26, anca el parla che ‘Geovà el mostra amor leal par sempre’. Quando ledemo questo Salmo, restemo maraveiadi de veder tante robe che Geovà el fà par mostrar el so amor leal e che lu el seita a farlo. Questi versìcoli i ne assa sicuri che Geovà el gavarà amor leal par i so servi par sempre. Restemo tanto contenti de saver  che Geovà no’l va mai abandonarne e che lu el ndarà sempre giutarne. Come el amor leal de Geovà el ne giuta? Saver de questo ne assa pi contenti e ne dà pi forsa par infrontar le dificoltà e par seitar a far quel che l’è giusto. — Ledi Salmo 31:7. *

11. De acordo col Salmo 86:5, parché che Geovà el perdona?

¹¹ Geovà el perdona parché el ga tanto amor leal. Par esémpio, Geovà el perdona una persona che la se ga ciamà grama e la se ga fermà de far quel che l’è sbalià. Davi el ga dito sora Geovà: “Lu no’l ne trata de acordo coi nostri pecati, gnanca el fà a noantri quel che meritemo par causa dei nostri sbali.” (Sal. 103:8-11) Davi el savea che l’è tanto bruto sentir colpa. Ma lu anca el savea che Geovà el vol tanto perdonar. Davi el ga dito che Geovà el vol tanto far questo parché el ga tanto amor leal a quei che i domanda el so perdon. — Ledi Salmo 86:5. *

12-13. Cossa pol giutarne se semo desanimadi par causa dei sbali che ghemo fato?

¹² Se ghemo fato un pecato, l’è importante restar disgustadi. Cossita, sarà pi fàcile ciamarse grami e cambiar quel che ne ocore. Ma arquanti servi de Geovà i sente tanta colpa par causa de qualcossa de sbalià che i ga fato e i pensa che Geovà mai el ndarà perdonarli. Se te te senti cossita, ricòrdate che Geovà sempre el vol mostrar el so amor leal par ti.

¹³ Come che el amor leal de Geovà el ne giuta? Par causa del sacrifìssio de Gesù, podemo servir a Geovà sensa sentirse in colpa, anca se sbaliemo. (1 Gio. 1:7) Alora, se semo desanimadi parché ghemo fato qualche sbàlio, ghemo de ricordarse che Geovà el vol tanto perdonarne. Varda cossa che Davi el  ga dito che sucede par causa del amor leal de Geovà. Lu el ga dito: ‘I cieli i ze tanto pi alti che la tera. L’è grando cossita el amor leal de Geovà par quei che i lo rispeta. L’è tanto distante el posto ndove el sol el va su del posto che el va do, e l’è distante cossita che Geovà el mete i nostri sbali.’ (Sal. 103:11, 12) Alora, semo sicuri che Geovà el vol perdonarne. — Isa. 55:7.

14. Cossa Davi el ga dito sora la protession che el amor leal de Dio ne dà?

¹⁴ El amor leal de Geovà el protege la nostra amicìssia con lu. Davi el ga pregà a Geovà: “Ti te sì un posto par sconderme. Te me protegerè dela aflission. Ghen sarà osade de alegria intorno de mi parché te me ghè salvà. . . . Quel che el se fida in Geovà el ga intorno de lu el so amor leal.” (Sal. 32:7, 10) Nel passà, ghen’era muri intorno dele cità par protegerle dei nemighi. El amor leal de Geovà l’è come questi muri parché el protege la nostra amicìssia con lu. E l’è stà par causa del so amor leal che Geovà el ne ga fato cognosserlo. — Ger. 31:3.

15. Come che el amor leal de Geovà el pol esser un posto de protession par noantri?

¹⁵ Davi anca el ga scrito sora la protession che Geovà el dà ai so servi: ‘Dio l’è la me protession, el Dio che el mostra amor leal.’ Davi el ga anca dito: ‘Geovà el me trata con amor leal, lu l’è la me tore forte, la me protession, el me scudo ndove son bon de catar un posto par protegerme.’ (Sal. 59:17; 144:2) Alora, Geovà el ndarà proteger la nostra amicìssia con lu, no importa ndove semo de star. El scritor del Salmo 91 el ga dito: “Ti te sì el me refùgio e la me tore de protession.” (Sal. 91:1-3, 9, 14) Anca Moisè el ga dito che Geovà el pol protegerne. (Sal. 90:1) Vanti de morir, Moisè el ga dito che Dio l’è un posto sicuro par catar protession e che i so brassi sempre i sarà soto de noantri par protegerne. (Deu. 33:27) L’è tanto bel saver che i brassi de Geovà sempre i ze soto de noantri. Cossa che questo ne insegna sora Geovà?

16. De che due maniere el amor leal de Geovà el ne giuta? (Salmo 136:23)

¹⁶ Anca se femo de Geovà la nostra protession, podemo sentirse desanimadi. Come che Geovà el ne giuta? (Ledi Salmo 136:23. *) Lu el mete i so brassi soto de noantri e el ne giuta a restar in pié nantra volta. (Sal. 28:9; 94:18) Come el amor leal de Geovà el ne giuta? Primo, se sentimo protegesti no importa ndove semo de star. Secondo, restemo contenti de saver che Geovà el ghe vol ben a cada un de noantri.

17. De cossa podemo esser sicuri? (Salmo 33:18-22)

¹⁷ Alora, podemo esser sicuri che Geovà el ndarà sempre giutarne e darne la forsa par seitar leai a lu. (2 Cor. 4:7-9) El profeta Geremia el ga dito che ‘Geovà l’è sempre misericordioso con noantri e no’l ne ga finio fora par causa del so amor leal’. (Lam. 3:22) Podemo  esser sicuri che Geovà el gavarà sempre el amor leal par noantri, parché el salmista el ga dito: “I oci de Geovà i varda sora quei che i lo teme, quei che speta el so amor leal.” — Ledi Salmo 33:18-22. *

18-19. (a) Cossa che ghemo de ricordarse? (b) Cossa ndaremo imparar nel pròssimo stùdio?

¹⁸ Cossa che ghemo sempre de ricordarse? Vanti de cognosser a Geovà, lu belche el ne amea. Ma adesso, lu el mostra amor leal par noantri. Par quela che Geovà el vol protegerne, el vol che semo i so amighi e el va far tuto quel che el ne ga prometesto. Lu el vol che semo i so amighi par sempre! (Sal. 46:1, 2, 7) Alora, Geovà sempre el ne darà la forsa che ghemo de bisogno par seitar leai.

¹⁹ Come ghemo imparà, Geovà el mostra el so amor leal par i so servi e lu el vol che mostremo amor leal un al altro. Nel pròssimo stùdio, ndaremo imparar come che podemo farlo.