Le persone che se pol pròpio fidarse le obedisse ale règole, le mantien la parola e sempre le dise la verità. L’è par quela che lore le guadagna la confiansa dei genitori, dei amighi e dei paroni.

In quasi tute le situassion, quando ti te mostri che te sì una persona che se pol fidarse, te guadagni de pi libertà.

“La meio maniera de guadagnar la confiansa dei to genitori l’è mostrar che ti te sì sempre mauro e responsàbile, nò sol quando che lori i ze drio vardarte.” — Sarahi.

COSSA LA BÌBLIA LA DISE: “Che tuti i vederà el to progresso de maniera ciara.” — 2 Corinti 13:5.

Te vol che le persone se fide de pi in ti? O te vol che le persone se fide nantra volta in ti? Alora, proa far questo.

Sìpia onesto. Se te disi busie, presto le persone no le se fidarà pi in ti. Ma se te sì onesto, anca quando che te fè sbali, alora si che le persone le gavarà de pi confiansa in ti.

“Quando l’è tuto a posto, l’è fàcile esser onesto. Ma, se te disi la verità anca in situassion che le altre persone le podaria pensar mal sora ti, le persone le ndarà fidarse ancora de pi in ti.” — Caiman.

COSSA LA BÌBLIA LA DISE: “Volemo esser onesti in tute le cose.” — Ebrei 13:18.

Sìpia responsàbile. Nte un stùdio fato nei Stati Unidi con persone che contrata funsionari, 78% dele persone intervistade le ga dito che una dele tre qualità pi importante par i novi funsionari la ze esser responsàbile. Quando te vegnarè grando, te ndarè veder che l’è stato pròpio bon gaver imparà a esser responsàbile da gióveno.

“I me genitori i se nicorde quando mi son responsàbile e fao i me laori de casa sensa che lori i gàpia bisogno de dirme tante volte de farli. Quanto de pi mi son responsàbile, tanto de pi lori i se fida in mi.” — Sarah.

COSSA LA BÌBLIA LA DISE: “Son sicuro che te farè quel che te digo e ancora de pi de quel che te domando.” — Filémon 21.

Sìpia passiente. L’è fàcile veder che un gióveno el cresse e resta pi alto, ma par saver che lu l’è deventà mauro e responsàbile, questo ghe vol de pi tempo.

“I to genitori e altre persone no i se fidarà in ti sol parché te sì stà responsàbile una volta sola. Ma se te sì sempre responsàbile, pian pianeto te guadagnarè la confiansa de lori.” — Brandon.

COSSA LA BÌBLIA LA DISE: “Gavé de vestirve de passiensa.” — Colossensi 3:12.