Nel giorno 9 de otobre de 2024, l’è vegnesto fora un relatòrio de una organisassion mondial sora come le persone le ze drio rovinar la vita dele bèstie nel mondo. Questo relatòrio el ga mostrà che “el nùmero dele bèstie ancoi che le ze studiade l’è 73% in manco de 50 ani indrio”. El relatòrio el dà questo aviso: “Podemo esser sicuri de dir che quel che sucederà nei pròssimi sinque ani ndarà mostrar come sarà el futuro dela vita nela Tera.”

 Tante persone le resta spaurade con queste notìssie. Noantri amemo el nostro bel pianeta e ne disgusta veder la naturesa che sofre. Se sentimo cossita parché Dio el ne ga fato par tender dele bèstie. — Génesi 1:27, 28; Proverbi 12:10.

 Alora, fursi te te domandi: ‘Saremo boni de proteger la vita dele bèstie dela tera? Cossa che la Bìblia la dise?

 Anca se se sforsemo tanto par salvar le bèstie, l’è sol Dio che el pol protegerle. La Bìblia, in Apocalisse 11:18, la dise che Dio el ndarà “finir fora quei che i rovina la tera”. Questo versìcolo el ne insegna due robe:

1.  1. Dio el fermarà le persone vanti che lore le rovine o le finissa fora del tuto cola tera.

2.  2. Dio el farà qualcossa suito. Come che savemo de questo? Parché vedemo che i umani, adesso come mai vanti, i ze darente de finir fora cole bèstie dela tera.

 Cossa che Dio el farà par risolver questo problema? Lu el ndarà doperar el so governo del cielo, o sia, el so Regno, par governar tuta la tera. (Mateo 6:10) Questo governo el ndarà dar ai umani obedienti la educassion e el trenamento che i ga de bisogno par tender e proteger le bèstie dela Tera. — Isaia 11:9.