Dàrghene fora col sentimento de sentirse sol l’è stà una dele preocupassion pi grande par la salute in tuto el mondo in 2023. Sarà che se pol dàrghene fora con questo problema?

•   ‘Fà mal par la nostra salute e par i nostri sentimenti se noantri se sentimo soli e se restemo soli. Ma podemo dàrghene fora con questi problemi se tuti i di femo pìcole robe par restar pi darente dele persone.’ — Dr. Vivek Murthy, consiliero nassional de salute dei Stati Unidi. a

 Noantri no se sentimo soli sol quando restemo noantri soli. Tante persone le se sente sole anca quando ghen’è altri intorno. Ma la Bìblia la pol giutarte, no importa parché te te senti cossita. Ela la ga consili che i te giuta a far pi forte le to amicìssie e a dàrghene fora col sentimento de sentirte ti sol.

 Impara a parlar meio cole persone. Par parlar ben coi altri, parla dei to sentimenti ma anca scolta con atension quel che i dise. De pi interesse che te mostri ai altri, pi forte le to amicìssie le sarà.

•   Consìlio dela Bìblia: “No sté preocuparve sol con quel che valtri volé, ma anca con quel che i altri i vol.” — Filipensi 2:4.

 Fà amicìssie con de pi persone. Sìpia disposto a far amicìssie con persone pi vècie, pi gióvene, de culture difarente e fin de altri paesi.

•   Consìlio dela Bìblia: “Verdé del tuto el vostro cuor.” — 2 Corinti 6:13.

 Par saver de pi sora come gaver forte amicìssie, ledi el artìcolo “Satisfazer a sede de amizades.”