Gesù el sa come che l’è sofrir par causa dela violensa e dela ingiustìssia. Lu l’è stà acusà, el ga ciapà bote, l’è stà giulgà, l’è stà condenà e i lo ga copà. Anca se lu no’l gavesse colpa, l’è stà ùmile e el ga dato “la so vita par salvar tante persone.” (Mateo 20:28; Gioani 15:13) Come Rè del Regno de Dio, presto lu el farà che ghen sìpia giustìssia in tuta la Tera e el finirà del tuto cola violensa. — Isaia 42:3.

 La Bìblia la dise come che sarà la Tera dopo che Gesù el farà quel che ocore:

•   “I rugni no i ghen sarà pi. Te vardarè ndove che i era, e no te li catarè. Ma i mansi i sarà paroni dela tera, e i gavarà tanta alegria par via dela granda pace.” — Salmo 37:10, 11.

 Come che podemo mostrar che semo grati par tuto quel che Gesù el ga belche fato e ancora el ndarà far par noantri? In Luca 22:19, lu el ga dito ai so seghidori de ricordar dela so morte. Par quela, tuti i ani le Testimònie de Geovà le se riune nel stesso giorno che lu l’è morto. Ghemo caro che te sìpia insieme a noantri nela Selebrassion dela morte de Gesù nela doménega, 24 de marso de 2024.

Par veder la Selebrassion