STÀ ATENTO!
Violensa par via dela polìtica — Cossa la Bìblia la dise?
Ghen’è tanta violensa par via dela polìtica ancoi.
Nele elession de 2023-2024 nel Mèssico, 39 polìtichi i ze stati copadi e ghen’è stà tanti altri tipi de violensa par via dela polìtica. Le persone le ze restade pròpio spaurade.
Nela Europa, ghen’è stà tanta violensa par via dela polìtica. Par esémpio, nel 15 de maio de 2024, i ga proà copar el primo ministro dela Slovàchia.
Nel 13 de lùlio de 2024, le persone dei Stati Unidi le ze restade pròpio spaurade quando i ga proà copar Donald Trump, che l’era el presidente.
Parché che ghen’è tanta violensa par causa dela polìtica? Sarà che la se finirà qualche di? Cossa la Bìblia la dise?
Professie sora barufe par via dela polìtica
La Bìblia belche la disea che nei “ùltimi giorni”, che l’è el tempo che semo drio viver, tante persone le saria violente e no le saria intese. Ela la dise:
“Nei ùltimi giorni ghen sarà tempi crìtichi, difìcili de soportar. Parché le persone . . . le sarà orgoliose, arogante, . . . no le sarà disposte a far acordi, . . . [le sarà] crudele, . . . traditore, testarde, piene de orgòlio.” — 2 Timòteo 3:1-4.
La Bìblia anca la ga dito che ghen saria tante barufe intrà le persone e rebelion contra el governo nei nostri giorni. (Luca 21:9, nota) Ancora cossita, queste robe le se finirà.
El fin dela violensa par via dela polìtica
La Bìblia la dise che Dio el ndarà cavar via tuti i governi umani e lu el ndarà governar del cielo.
“El Dio del cielo el farà governar un regno che . . . el ndarà farli a tochi e el finirà tuti questi regni, e sol lu el restarà par sempre.” — Daniel 2:44.
El Regno de Dio el ndarà unir le persone e far che ghen sìpia pace in tuto el mondo.
El governante del Regno de Dio, Gesù Cristo, l’è ciamà de “Prìnsipe dela Pace”, e l’è sicuro che soto el so governo “la pace no la se finirà”. — Isaia 9:6, 7.
Quei che i ze governadi par el Regno de Dio i ze belche drio imparar a viver in pace. La Bìblia la dise sora lori: ‘I ga de far dele so spade làmine de arado e dele so lanse fórbese par bruscar. Le nassion no le alsarà la spada una contra le altre, gnanca le impararà mai pi a far la guera.’ — Isaia 2:3, 4.
Par saver de pi, ledi el artìcolo “Cossa che el Regno de Dio el ndarà far?” e varda el vìdeo Cossa che l’è el Regno de Dio?