Te pol esser amigo de Dio quando te lo cognossi meio e quando te fe robe che lu el ghe piase. Se te fe cossita Dio ‘el rivarà darente de ti’. (Tiago 4:8) La Bìblia ne assa sicuri che lu “no l’è distante de cada un de noantri”. — Ati 17:27.

•  Cossa che te pol far par esser amigo de Dio

•  Idee sbaliade sora Dio

 Ledi la Bìblia

•  Cossa la Bìblia la dise: “Tuta la Scritura la ze ispirada par Dio.” — 2 Timòteo 3:16.

•  Cossa questo testo el vol dir: La Bìblia la vien de Dio. Lu el ga metesto i so pensamenti nela mente de quei che i ga scrito la Bìblia. Par meso de questo libro tanto importante, Dio el ne dise quel che el vol de noantri. Lu anca el ne mostra le so qualità come el amor, la giustìssia e la misericòrdia. — Ésodo 34:6; Deuteronómio 32:4.

•  Cossa che te pol far: Ledi la Bìblia tuti i giorni. (Giosuè 1:8) Dopo de leder la Bìblia domandate: ‘Cossa che questo me insegna sora Dio?’— Salmo 77:12.

   Par esémpio, ledi Geremia 29:11, e dopo domandate: ‘Cossa che Dio el vol par mi: Pace o desgràssia? Sarà che lu l’è un Dio che el vol vingarse, o el vol che gavemo un futuro meio?’

 Varda la creassion

•  Cossa la Bìblia la dise: “Le qualità de Dio che le persone no le vede . . . le ze mostrade de maniera ciara in quel che el ga fato, dela creassion del mondo avanti.” — Romani 1:20.

•  Cossa questo testo el vol dir: Quando vardemo la creassion podemo imparar tanto sora le qualità de Dio, cossita come podemo capir la personalità de un pintor quando vardemo un quadro che lu el ga fato. Par esémpio, vardar come el sarvel l’è stà fato ne mostra la sabedoria de Dio e la energia del Sol e dele stele ne mostra come lu l’è poderoso. — Salmo 104:24; Isaia 40:26.

•  Cossa che te pol far: Tote el tempo par vardar la naturesa e pensar sora cossa che ela ne insegna. Quando te fe cossita domandate: ‘Cossa che queste robe maraveiose le ne insegna sora Dio?’. a Ma la naturesa no ne dise tuto sora Dio. L’è par quela che lu el ne ga dato la Bìblia.

 Dopera el nome de Dio

•  Cossa la Bìblia la dise: “Mi lo salvarò parché lu el me vol ben. Mi lo protegerò parché lu el cognosse el me nome.” — Salmo 91:14, 15.

•  Cossa questo testo el vol dir: Dio ghe dà tanta atension a quei che i dopera el so nome e lo rispeta. El nome de Dio l’è Geovà. b (Salmo 83:18; Malachia 3:16) Quando lu el ga dito el so nome, Dio el volea che tuti lo cognossesse. Lu el ga dito: “Mi son Geovà e questo l’è el me nome.” — Isaia 42:8.

•  Cossa che te pol far: Dopera el nome de Geovà quando te parli de Dio.

 Parla con Geovà par meso dela orassion

•  Cossa la Bìblia la dise: “Geovà l’è darente de tuti quei che i lo ciama.” — Salmo 145:18.

•  Cossa questo testo el vol dir: Geovà l’è darente de quei che i prega a lu con fede. La orassion la fà parte dela nostra adorassion a Dio e la mostra el nostro grando rispeto par lu.

•  Cossa che te pol far: Prega sempre a Dio. (1 Tessalonissensi 5:17) Pàrlaghe dele to preocupassion e dei to sentimenti. — Salmo 62:8. c

 Fà pi granda la to fede in Dio

•  Cossa la Bìblia la dise: “Sensa fede no se pol contentar a Dio.” — Ebrei 11:6.

•  Cossa questo testo el vol dir: Par esser amighi de Dio, gavemo de ver fede in lu. Nela Bìblia, gaver fede vol dir de pi che sol creder che lu el esiste. Vol dir che noantri credemo che lu el va far tuto quel che el ga prometesto e che quel che lu el ne domanda l’è el meio par noantri. Fidarse in lu l’è tanto importante par esser so amighi.

•  Cossa che te pol far: Sol gavaremo una vera fede se gavemo cognossimento. (Romani 10:17) Alora, stùdia la Bìblia par esser sicuro che te pol fidarte in Dio e nei so consili. Le Testimònie de Geovà le ga caro de studiar la Bìblia con ti. d

 Fà quel che Dio el ghe piase

•  Cossa la Bìblia la dise: “Parché amar a Dio vol dir che obedimo ai so comandamenti.”—1 Gioani 5:3.

•  Cossa questo testo el vol dir: Geovà l’è darente de quei che i mostra amor a lu par meso del sforso che i fà par obedirlo.

•  Cossa che te pol far: Quando te studi la Bìblia, stà atento a quel che Dio el ghe piase e quel che lu no’l ghe piase. Dopo domandate: ‘Che cambiamenti go de far par assar Dio contento?’ — 1 Tessalonissensi 4:1.

 Varda come Dio el tende de ti quando te obedissi

•  Cossa la Bìblia la dise: “Proé e vedé che Geovà l’è bon.” — Salmo 34:8.

•  Cossa questo testo el vol dir: Geovà el te convida a veder coi to oci che lu l’è bon. Quando te vedi che lu el te tende e el te ama, te volarè esser ancora pi so amigo.

•  Cossa che te pol far: Quando che te ledi la Bìblia, meti in pràtica i consili de Dio e varda come far cossita sarà bon par ti. (Isaia 48:17, 18) Anca, varda el esémpio de persone che col aiuto de Dio, le ze state bone darghene fora cole dificoltà, la so vita e quela dela so fameia le ze restade meio, e le ga catà la vera felicità. e

 Idea sbaliada: Dio l’è un mistero.

 Verità: L’è vera che tante robe sora Dio le ze fadiga de capir, come par esémpio che lu l’è una persona che no se pol veder. Stesso cossita, noantri podemo cognosser a Dio. In verità, la Bìblia la dise che gavemo de cognosser a Dio par gaver la vita eterna. (Gioani 17:3) La Bìblia la parla sora le qualità de Dio, sora parché el ga creà i umani e la Tera, e sora quel che lu speta de noantri. Tuto questo de una maniera che noantri podemo capir. (Isaia 45:18, 19; 1 Timòteo 2:4) E, come che gavemo visto prima, la Bìblia la mostra qual che l’è el nome de Dio. (Salmo 83:18) Cossita noantri podemo cognosser a Dio e anca esser so amighi. — Tiago 4:8.