El Regno de Dio el ndarà finir coi governi dele persone e el ndarà governar tuta la Tera. (Daniel 2:44; Apocalisse 16:14) Quando questo sucederà, el Regno de Dio el ndarà . . .

•   Finir fora cole persone rugne, che le pensa sol in lore stesse e ne fà tanto mal. “I rugni i sarà finidi fora, e i traditori i sarà cavadi via dela tera.” — Proverbi 2:22.

•   Finir cole guere. “Lu el finisse fora con tute le guere che ghen’è nela tera.” — Salmo 46:9.

•   Dar tante robe e protession ale persone. ‘Le se sentarà cada una soto la so vigna e soto el so figher, sensa nissuni par spaurarle.’ — Michea 4:4.

•   Far la Tera deventar un paradiso. ‘El deserto e la tera seca i restarà contenti. El deserto el restarà contento e el ndarà fiorir come el assafron.’ — Isaia 35:1.

•   Dar ale persone un bel laoro, che ghe piaserà. “I me scoliesti i ndarà goder de tuto el laoro dele so man. Lori no i ndarà laorar tanto par gnente.” — Isaia 65:21-23.

•   Finir cole malatie. “E nissuni i ndarà dir: ’Son malà.’” — Isaia 33:24.

•   Assarne lìberi de vegner veci. “Che la so carne la devente pi fresca de quela de un gióveno. Che lu el gàpia nantra volta la so forsa de gióveno.’” — Giò 33:25.

•   Far i morti tornar a viver. “Tuti quei che i ze nele tombe memoriai i scoltarà la so voce e i vegnarà fora.” — Gioani 5:28, 29.