La Bìblia la dise che sol arquante persone le ndarà viver in cielo. (Apocalisse 14:1, 3) Lore le ndarà là par governar come rè e sasserdoti insieme de Gesù. (Luca 22:28-30; Apocalisse 5:9, 10) La pi granda parte dele persone la sarà ressussitada par viver nte un paradiso nela Tera. — Salmo 37:11, 29.

 La Bìblia no la parla mia de un posto in cielo par le bèstie. Parché? Parché par viver in cielo, ghe vol far robe che no le pol mia far. (Ebrei 3:1) Lore no le ga come imparar sora Dio, mostrar fede in lu e obedir ai so comandamenti. (Mateo 19:17; Gioani 3:16; 17:3) Sol le persone le ze state creade par viver par sempre. — Génesi 2:16, 17; 3:22, 23.

 Par qualchedun che vive nela Tera ndar al cielo, el ga de esser ressussità. (1 Corinti 15:42) La Bìblia la parla de arquante ressuression. (1 Rè 17:17-24; 2 Rè 4:32-37; 13:20, 21; Luca 7:11-15; 8:41, 42, 49-56; Gioani 11:38-44; Ati 9:36-42; 20:7-12) Ma tute lore le ze state de persone, gnanca una de bèstie.

•  Le bèstie le ga ànime?

•  Le ànime le pol morir?

•  Le bèstie le pol far un pecato?

•  Sarà che se pol tratar le bèstie con crudeltà?

 No. La Bìblia la dise che le bèstie e le persone le ze ànime. (Nùmeri 31:28, nota in portoghese) Quando el primo omo, Adon, l’è stà creà, lu no’l ga mia ricevesto una ànima, invesse lu l’è deventà una ànima. (Génesi 2:7, nota in portoghese) La ànima la ze fata de due robe: la ‘polver dela tera’ e ‘el fià dela vita’.

 Si. La Bìblia la dise che le ànime le pol morir. (Levìtico 21:11, nota in portoghese; Ezechiel 18:20) Quando le more, le bèstie e le persone le torna ala polver dela tera. (Eclesiasti 3:19, 20) In altre parole, no le esiste pi. a

 No. Far un pecato vol dir pensar, sentir o far qualcossa che va contra le lege de Dio. Par far un pecato, una bèstia la gavaria de far dessision sora quel che l’è giusto e sbalià. Ma le bèstie no le ga questa capassità. Nel poco tempo de vita che le ga, le bèstie le fà le robe sensa saver parché le fà. (2 Piero 2:12) E dopo le more anca se mai le ga fato un pecato.

 No. Dio el ga dato ale persone autorità sora le bèstie, ma no el dirito de tratarle mal. (Génesi 1:28; Salmo 8:6-8) Dio el tende par che tute le bèstie le gàpia quel che le ga de bisogno. El se importa fin coi oseleti. (Giona 4:11; Mateo 10:29) El ga comandà i so servi de tratar ben le bèstie. — Ésodo 23:12; Deuteronómio 25:4; Proverbi 12:10.