Si, parché Dio el vol che le persone le se riuna par adorarlo. La Bìblia la dise: “E ghemo de preocuparse un col altro par motivarne a mostrar amor e a far bone assion, sensa assar de riunirse.” — Ebrei 10:24, 25.

 Gesù el ga mostrà che i so dissìpoli i faria parte de un grupo organisà quando el ga dito: “Par meso de questo tuti i saverà che valtri sé i me dissìpoli: se gavé amor intrà de valtri.” (Gioani 13:35) Par esser boni de mostrar questo amor, i dissìpoli de Cristo i gavaria de riunirse coi so fradei ntela fede. Lori i ndaria organisar congregassion par riunirse par adorar a Dio de maniera regolar. (1 Corinti 16:19) Come grupo, lori i deventaria come una granda fameia mondial. — 1 Piero 2:17.

Ne ocore de pi che sol far parte de una organisassion religiosa

 La Bìblia la dise che par adorar a Dio ghe vol che le persone le se riuna. Ma la Bìblia no la insegna che, par gaver la aprovassion de Dio, basta far parte de una religion, ma che la religion de una persona la ghe ocore gaver influensa in tute le so dessision e in tuto quel che ela la fà. Par esémpio, la Bìblia la dise: “La religion che la ze pura e giusta par Dio la ze: tender dei òrfani e dele védove nele so dificoltà e seitar distante dele robe sbaliade del mondo.” — Tiago 1:27, nota.