•  Che tipo de persona te cati che te sì?

•  Parché no l’è mia bon gaver bruti pensieri?

•  Cossa che te pol far

•  Par saver de pi

•  Cossa altri gióveni i dise

•   Positiva

   “Mi proo esser el pi contenta che mi posso e no preocuparme massa cole robe. Me piase sempre gaver un soriso in fàcia e esser contenta tuti i di.” — Valerie.

•   Negativa

   “Pena dopo che sucede una roba bona mi penso: ‘l’è massa bon par esser vera.’” — Rebecca.

•   Echilibrada

   “Se mi son massa positiva, mi sempre resto disgustada quando le robe no le va mia ben. E se mi son massa negativa, sarò sempre triste. Esser echilibrada me giuta a veder le robe pròpio come le ze.” — Anna.

 La Bìblia la dise: “Quel che l’è alegre de cuor el ga sempre una festa.” (Proverbi 15:15) Le persone che le proa no pensar in robe negative e le pensa de pi nele robe bone che sucede le ze pi felice e le ga de pi amighi. Nissuni ghe piase de star darente de persone che le ze sempre triste.

 Ma fin le persone pi positive che ghen’è le ga i so problemi. Par esémpio:

•   Ghen’è sempre de pi notìssie brute, come guere, terorismo e violensa.

•   Pol esser che te ghè problemi nela fameia.

•   Te ghè le to fiachesse par darghene fora.

•   Pol esser che un amigo el te ga disgustà.

 Come darghene fora coi to problemi? Invesse de far finta che no te ghè mia questi problemi o de pensar massa in lori, proa veder le robe pròpio come le ze. Far cossita te giutarà a no gaver tanti bruti pensieri e a darghene fora coi problemi sensa restar desanimà par causa de lori.

•   No stà pensar sol nei to sbali.

   La Bìblia la dise: “No ghen’è gnanca un omo giusto nela tera che el fae sempre quel che l’è bon e che mai el sbàlie.” (Eclesiasti 7:20) Se te fè un sbàlio, no vol mia dir che te sì un poro gramo e che te fè tuto sbalià. Vol dir che te sì come i altri, che anca i fà sbali.

   Proa far cossita: Proa far meio, ma no stà mia proar esser perfeto. Un gióveno che el ga nome Calebe el ga dito: “Mi proo no pensar massa in quel che go fato de sbalià. Proo imparar coi me sbali e pensar ndove posso far meio.”

•   No stà far comparassion coi altri.

   La Bìblia la dise: “Ghemo de star atenti par no deventar aroganti, gnanca far competission un coi altri o esser invidiosi dei altri.” (Gàlati 5:26) Se te vedi nele rede sossiai i ritrati de quando to amighi i ga fato qualcossa insieme sensa convidarte, pol esser che te resti disgustà e cativo. Te pol fin scominsiar a catar che i to amighi adesso i ze i to nemighi.

   Proa far cossita: Aceta che gnanca sempre te sarè convidà par far robe insieme ai to amighi. Ricordate che nele rede sossiai le persone le mete sol quel che le vol, e no le mostra tuto quel che sucede nela so vita. Una gióvena che la ga nome Alexis la ga dito: “Le persone sol le mostra la parte pi bela dela so vita, e no le situassion de tuti i di.”

•   Sìpia in pace con tuti, ancora de pi cola to fameia.

   La Bìblia la dise: “De acordo con quel che podé, fé el vostro meio par star in pace con tuti.” (Romani 12:18) L’è vero che no te pol controlar quel che le altre persone le fà, ma te pol controlar quel che ti te fè. Te pol sempre scòlier far qualcossa par mantegner la pace.

   Proa far cossita: Se vien fora problemi nela to fameia, sfòrsate de no farlo deventar pedo. Fà el meio che te pol par restar calmo e mantegner la pace, cossita come te farissi coi to amighi. Una gióvena che la ga nome Melinda la ga dito: “Nissun l’è perfeto, e dele volte, qualchedun ndarà dirne qualcossa che ne ofende. Ghemo sol de dessider se ndemo far qualcossa par mantegner la pace, o nò.”

•   Sìpia grato.

   La Bìblia la dise: “Mostreve grati.” (Colossensi 3:15) Se te sì una persona grata, te sarè bon de consentrarte nele robe bone dela vita, invesse de pensar sol in quel che no l’è come te piaseria.

   Proa far cossita: No stà far finta che no te ghè mia problemi, ma pensa anca nele robe bone che sucede nela to vita. Una gióvena che la ga nome Rebecca la ga dito: “Tuti giorni, mi meto par scrito una roba bona che ga sucedesto in quel giorno. Mi vui ricordarme che, anca se dele volte go problemi, sempre ghen’è qualcossa de bon par pensarghe sora.”

•   Scoli ben i to amighi.

   La Bìblia la dise: “Brute compagnie le rovina i boni comportamenti.” (1 Corinti 15:33) Se te sì massa tempo insieme con persone sbrontolone e negative, te deventarè compagno lore.

   Proa far cossita: Quando i nostri amighi i infronta bruti colpi nela vita, pol esser che i reste triste o desanimadi par un tempo. Fà el to meio par giutarli, ma no stà assar che i so problemi i te asse massa triste. Se restemo insieme sol con persone negative, anca noantri deventaremo cossita.

 La Bìblia la dise che semo drio viver in “tempi crìtichi, difìcili de soportar”. (2 Timòteo 3:1) Càtito che l’è fadiga esser una persona positiva nte un mondo pien de problemi? Ledi el artìcolo “Parché ghen’è tanto sofrimento?”.