Le Testimònie de Geovà le ga caro de insegnarte quel che la Bìblia pròpio la insegna. Col stùdio dela Bìblia te podarè:

•   Gaver una fameia felice

•   Deventar amigo de Dio

•   Imparar quel che la Bìblia la dise par el futuro

In questo artìcolo:

•  Come che l’è un stùdio dela Bìblia?

•  Gonti de pagar qualcossa par far el stùdio?

•  Quanto tempo durelo el curso?

•  Cossa gonti de far par scominsiar el curso?

•  Posso proar come che l’è vanti de dessider?

•  Se mi vui far el curso, gonti de deventar par forsa una Testimònia de Geovà?

•  Posso doperar la me Bìblia?

•  Posso convidar altri al stùdio?

•  Posso studiar nantra volta anca se go belche studià la Bìblia cole Testimònie de Geovà nel passà?

•  Posso studiar mi mi sol, sensa una Testimònia de Geovà?

 Una testimònia de Geovà la sarà el to istrutor e la te giutarà a studiar la Bìblia par assunti. Par meso del libro Viver felice par sempre te pol imparar un poco par volta quel che la Bìblia la dise e come che la pol giutarte. Par saver de pi, varda questo vìdeo.

 Nò. Le Testimònie de Geovà le fà quel che Gesù el ga dito ai so dissìpoli: “Valtri gavé ricevesto sensa pagar gnente, alora gavé de dar sensa pagar gnente.” (Mateo 10:8) No te ghè gnanca de pagar la Bìblia gnanca el libro Viver felice par sempre.

 El curso el ga 60 lession. Ti te pol dessider quanto meterghe par studiar queste lession, ma a tanti ghe piase studiar una lession o de pi par stimana.

1.  1. Scrivi qua le to informassion. Ndaremo doperar le to informassion sol par la to domanda de una vìsita.

2.  2. Un istrutor el ndarà parlar con ti. Lu el te spiegarà come che sarà el curso e el te risponderà tute le domande che fursi te gavarè.

3.  3. Ti e el to istrutor podé dessider. Podé far el stùdio insieme nel medèsimo posto o par meso del telèfono, de carte, de ciamada de vìdeo par la internet o par email. Quasi sempre el stùdio el dura intorno de una ora. Ma se te vol, podé farlo pi curto o pi longo.

 Si. Scrivi qua le to informassion. Quando una testimònia de Geovà la vegnarà parlarte, dighe che te vol proar vanti par veder se el curso el te piaserà. Ndaré veder insieme le tre lession dela revista Viver felice par sempre, cossita te vederè se te vol seitar el curso.

 Nò. Ne piase tanto insegnar la Bìblia ale persone, ma no obrighemo nissun a cambiar par la nostra religion. Invesse, noantri sol spieghemo quel che la Bìblia la insegna. Savemo che cada un el pol dessider de creder quel che el vol. — 1 Piero 3:15.

 Si, te pol doperar la tradussion dela Bìblia che te vol. Ne piase doperar la Tradussion del Novo Mondo parché la ze una tradussion giusta e fàcile de capir, ma savemo che tanti i se cata meio con una Bìblia che belche i cognosse.

 Si. Te pol ciamar tuta la to fameia o i amighi che te vol.

 Si. E fursi questo curso el te piaserà de pi parché lo ghemo assà pròpio bon par le persone de ancoi. Ghen’è tanti vìdei e ilustrassion, cossita ti e el to istrutor podé parlar de pi insieme.

 Si. Tante persone le capisse meio se le ga qualchedun che ghe spiega, ma altre le ghe piase studiar lore sole nel scomìnsio. Nela pàgina Aiuti par studiar la Bìblia, te pol catar aiuti par far el to stùdio personal dela Bìblia. Par esémpio:

•   Vìdei par studiar la Bìblia. Con questi vìdei curti te pol catar la risposta a domande importante sora la Bìblia.

•   Domande che la Bìblia la risponde. Impara la risposta dela Bìblia a domande sora Dio, Gesù, fameia, sofrimento e altri assunti.