Si. Semo cristiani parché:

•   Se sforsemo par ndarghe drio ai insegnamenti de Gesù Cristo e par viver de acordo col so esémpio. — 1 Piero 2:21.

•   Credemo che l’è sol par meso de Gesù che podemo esser salvi, parché no ghen’è “nissuna altra persona soto el sol intrà i òmini che pol darne la salvassion”. — Ati 4:12.

•   Quando una persona la deventa Testimònia de Geovà, la ze batesada in nome de Gesù. — Mateo 28:18, 19.

•   Preghemo in nome de Gesù. — Gioani 15:16.

•   Credemo che Gesù el ga la autorità sora tuti i òmini. — 1 Corinti 11:3.

 Ma semo difarente dele altre religion che le dise che le va drio a Cristo. Par esémpio, credemo che la Bìblia la insegna che Gesù l’è el Fiol de Dio, e no che el fà parte de una Trinità. (Mateo 16:16; Marco 12:29) Credemo che la ànima la more e che la idea de che Dio el castiga le persone nte un inferno de fogo par sempre no la ze mia nela Bìblia. Anca credemo che gnanca un dela congregassion el ga de esser ciamà de una maniera che fae i altri pensar che lu l’è pi importante. — Eclesiasti 9:5; Ezechiel 18:4; Mateo 23:8-10.