Le Testimònie de Geovà no le va ala guera parché:

1.   Le obedisse a Dio. La Bìblia la dise che i servi de Dio ‘i ndaria far dele so spade làmine de arado’, e ‘mai pi i ndaria imparar a far la guera’. — Isaia 2:4.

2.   Le obedisse a Gesù. Gesù el ga dito al apòstolo Piero: “Meti via la spada, parché tuti quei che i ciapa la spada i sarà copadi cola spada.” (Mateo 26:52) Cossita, Gesù el ga spiegà che i so seghidori no i ndaria doperar arme.

    Gesù anca el ga dito che i so dissìpoli no i ndaria far parte del mondo. Par quela, lori mai i se mete nela polìtica. (Gioani 17:16) Lori no i partissipa in protesti contra le guere e gnanca i va contra persone che le desside servir nel esèrsito.

3.   Le ama le persone. Gesù el ga dito ai so dissìpoli: “Gavé de amarve un al altro.” (Gioani 13:34, 35) Cossita, lori i saria una fameia de fradei in tuto el mondo, e mai i ndaria lotar un contra el altro. — 1 Gioani 3:10-12.

4.   Le fà come i primi cristiani. La Ensiclopèdia sora la religion e la guera (in inglese) la dise: “I primi seghidori de Gesù no i partissipea nela guera gnanca nel esèrsito. Parché, par lori, ndea contra el amor che Gesù el ga insegnà e anca contra el so comandamento de amar i nemighi”. Sora i primi cristiani, el studioso aleman Peter Meinhold el ga dito: “Par lori, no ghen’era mia come esser cristian e al medèsimo tempo esser un soldà.”

 Le Testimònie de Geovà le laora par giutar la comunità, e no le fà gnente che intriga la pace dei paesi ndove le ze de star. Noantri rispetemo le autorità, de acordo con queste lege dela Bìblia:

•   ‘Gavé de star soto le autorità superior.’ — Romani 13:1.

•   “Paghé a Cesar quel che l’è de Cesar, ma a Dio quel che l’è de Dio.” — Mateo 22:21.

 Alora, noantri obedimo ale lege, paghemo i imposti e laoremo de acordo con quel che el governo el fà par giutar la comunità.