Quel che i dise: Le Testimònie de Geovà no le crede che i dotori i pol giutarle e no le va in serca de tratamento de salute.

 La verità: Noantri ndemo in serca del meio tratamento de salute che podemo par noantri e par la nostra fameia. Quando ghemo problemi de salute, ndemo a dotori che i ze boni de darne tratamenti e far operassion sensa doperar sangue. Savemo che ancoi la medissina la ze tanto meio. Par quela, i tratamenti de salute sensa sangue i giuta no solche le Testimònie de Geovà, ma anca tute le altre persone. In tanti paesi, tuti i pol scòlier far tratamenti sensa sangue par no gaver i problemi che i pol vegner par via dele trasfusion, come malatie che se passa par meso del sàngue, reassion del sistema imune del corpo, e sbali che i pol suceder.

 Quel che i dise: Le Testimònie de Geovà le crede che la fede la pol guarir malatie.

 La verità: No guarimo par via dela fede.

 Quel che i dise: Far tratamenti sensa sangue costa massa.

 La verità: Tratamenti sensa sangue no i costa mia massa. a

 Quel che i dise: Tuti i ani, tante Testimònie de Geovà, anca tosatei, le more parché no le aceta mia sangue.

 La verità: Questa frase no la ga gnanca una base. L’è normal i dotori far operassion nel cuor, operassion ortopèdiche e trasplante de òrgani sensa trasfusion de sangue. b Quei che no i fà sangue, anca i tosatei, quasi sempre i guarisse compagno o fin meio de quei che i ga fato trasfusion. c In verità, nissuni i pol esser sicuro che una persona la va morir parché no la ga acetà sangue, gnanca che la va seitar viva parché lo ga acetà.

 Parché femo de acordo con quel che la Bìblia la dise. Nel Vècio e nel Novo Testamento, la dise de maniera ciara che no ghemo mia de acetar sangue. (Génesi 9:4; Levìtico 17:10; Deuteronómio 12:23; Ati 15:28, 29) Anca, par Dio, el sangue el rapresenta la vita. (Levìtico 17:14) Alora, noantri no acetemo mia sangue parché obedimo a Dio e lo rispetemo, parché lu l’è Quel che el ne dà la vita.

 Una volta, i dotori i pensea che no acetar sangue l’era una dessision bruta, come se la persona la volesse morir. Ma la so maniera de pensar la ga cambià nei ùltimi ani. Par esémpio, in 2004, una peschisa publicada nte una revista de medissina la ga dito che “tanti tratamenti creadi par esser doperadi in Testimònie de Geovà in poco tempo i deventarà tratamenti che se dopera in tute le persone”. d Un artìcolo de 2010 dela revista Heart, Lung and Circulation el ga dito che “‘operassion sensa sangue’ no le gavaria de esser sol par le Testimònie de Geovà, ma le gavaria de deventar una roba che se pol doperar sempre che ghe ocore de operassion.”

 Miliari de dotori in tuto el mondo i fà operassion difìcile de una maniera che la persona no la perde tanto sangue. Cossita, i fà queste operassion sensa trasfusion de sangue. Queste maniere de far operassion sensa far sangue le ze doperade anca in paesi pi poareti. E tante persone che no le ze Testimònie de Geovà le scòlie far le so operassion cossita.