YOOSOMA 15
Mwaha wa heeni ontthuneyaya ovireleliha omuxuttera Biblya?
1. Mwaha wa heeni ontthuneyaaya ovireleliha omuxuttera Biblya?
Moohihovela, mpaka va, itthu muxuttenraanyu sohaatxerera insivelo nanyu ni Yehova. Weera nsivelo nanyu naatxerereye, ontthuneya ovireleliha omusoma Biblya. (1 Pedru 2:2) Nyuwo munookhalano ekumi yoohimala. Mwa yeeyo, ontthuneya olipiha onthamwene anyu ni Muluku. — Mmusome Yohani 17:3; Yuda 21.
Vaavo nyuwo munxutteranyu sa Muluku, nroromelo nanyu nnoolipa nave nnimookhaviherani omusiveliha Muluku. (Aheberi 11:1, 6) Wakhala hiiho onimookhaviherani ohiyerera opaka itthu soonanara, weera mpakeke itthu sooreera. — Mmusome Miteko 3:19.
2. Moota heeni muuneeranyu mwakhavihere atthu akina?
Ontthuneya ovekela weera mukhalane onthamwene ni Yehova
Khaavo ahintthuna ovaha mitthenka sooreera. Nto noororomela weera, itthu sootheene muxutthenranyu, sinimookhaviherani weera mwaaleleke akina, mitthenka sooreera seiyo Yehova oraaweno. Weera nwoonihere itthu siri mBiblyani seiyo muxuttenranyu, ontthuneya ohihiyerera omusoma Biblya. — Mmusome Aroma 10:13-15.
Vano, onthuneya opatxeriha waaxuttiha asinthamweenaanyu ni amusaanyu. Khoontthuneya waaveha mwaha wa ettiini aya, mweeraka enxuttiha ithiru. Mene muhimeke paahi itthu Muluku onhimaawe, opwaha mwa yeeyo, mpakeke itthu Muluku ontthunaawe, mwaha wooweera soopaka sinnavirikana ni masu enkhuma vayaanoni. — Mmusome 2 Timotheyo 2:24, 25.
3. Ovireleliha omusoma Biblya, onookhavihereni hayi?
Nvirelelihe omusoma Biblya, weera onthamwene anyu ni Yehova olipe. Nave nyuwo, munookhala vamoha ni emusi ya Yehova. Etthu yootepa otthuneya! Munoona hayi? — Mmusome 2 Akorinto 6:18.
4. Moota heeni nrororomelo nanyu veliveli nneraaya naatxerereyeke?
Etthu yoopatxera entthuneya opaka, ori ovireleliha omusoma Biblya. (Aheberi 5:13, 14) Munvekele Namoona a Yehova weera mmuxuttere Biblya nvarihelaka muteko ebuukhu, Biibiliya Onniixuttiha Exeeni? Vaavo nyuyo muniilipiheraanyu omusoma Biblya, munoopwanya ohakalala. — Mmusome Nsalmu 1:1-3; 73:27, 28.
Khuntthuneya waasa omusoma Biblya khukilaatiki, mene ontthuneya othukumana vamoha na Anamoomna a Yehova. (Aheberi 10:24, 25) Yehova ookhalano mitthenka sooreera sintthuneya weera mwiiwe. Owo ontthuna weera mukhaleno ekumi yeekhaikhai. Tivaavo mwiilipihera vale opaka ele owo ontthunaawe, munokhalano ekumi yoohimala. Hekhanle etthu ekina yoorerela opwaha ohikhanle okhala nthamwene a Muluku. — Mmusome 1 Timotheyo 1:11; 6:19.
You May Also Like
HIYO TAANI
Heeni ontthuneyaya omuxuttera Biblya? — Yookhwanela
Biblya onnakhavihera atthu antxipale ilapo soothene ophwanya waakhuliwa wa makoho matokweene a mwekumini. Mwaanitthuna okhala a mmoha yaawo?
