Yesu aahima weera makristu antthuneya oBatiziwa. (Mmusome Matheyo 28:19, 20.) Vano oBatizo ti heeni? Munaapake eheeni weera mBatiziwe?

1. Obatizo ti heeni?

Masu ooweera Obatizo vegreguni antaphulela “oneela erutthu yootheene”. Nto Tiyeeyo yeereñye ni Yesu emaara owo aaBatiziwaawe omoolokoni Yordani erutthu awe yootheene yaaneela mmaahini. Ninnasuwela eyo, mwaha wooweera aBatiziwakaru ‘aakhuma mmaahini’. (Marko 1:9, 10) Emutakihaka Yesu, makristu eekhaikhai yaaBatiziwaka, ennaneelihiwa mmaahini erutthu aya yootheene.

2. Obatizo onoonihera heeni?

Emaara mutthu oBatiziwaawe onnoonihera weera oovaherera ekumi awe wa Yehova. Moota heeni owo oniivahereraawe? Ohinaakuve mutthu oBatiziwa, owo onnavekela Yehova amuleelaka weera ontthuna onvarela ekumi awe yootheene. Owo onnalaihera weera onkela omukokhorelaka Yehova paahi. Nave, opaka yootthuna ya Yehova, enkela okhala etthu yootepa otthuneya mweekumini mwawe. Owo onniithanlela ‘wiikhotta mwanene’ ni otthara mahuku ootheene sooxuttiha sa Yesu ni ntakihero nawe. (Matheyo 16:24) Mwaha wa wiivaherera ni Obatiziwa, mutthu onweraawe okhalano onthamwene woolipa ni Yehova ni atthu ale ammukokhorela.

3. Weera mutthu aBatiziwe, ontthuneya mutthu opaka eheeni?

Nyuwo muhinaakuve oBatiziwa tivootthuneya ooxuttera voohima sa Yehova ni okhalano nroromelo noolipa ni yoowo. (Mmusome Aheberi 11:6.) Emaara munaatxeereraanyu omusuwela iwo ni okhalano nroromelo noolipa, mmweereke omusivela. Mweekhaikhai nyuwo munaatthuneke waaleela atthu akina voohima sa yoowo ni okhala moovarihana ni ele onhimaawe sa yooreera ni yoonanara. (2 Timotheyo 4:2; 1 Yohani 5:3) Emaara mutthu onooniheraawe weera ontthuna omuhakalaliha Yehova, onnavaherera ekumi ni onnaBatiziwa.—Akolosi 1:9, 10. a

 WEERA MUXUTTERE SINTXIPALE

4. Nnooxuttera etthu etokotoko ni oBatizo wa Yesu

Mmusome Matheyo 3:13-17 weera muxuttere sintxipale voohima sa oBatizo wa Yesu. Avinyaka mutthekule ni epontu enttharelana:

• Neereke Yesu ari mwana emaara aBatiziwaawe?

• Owo aBatiziwe moota heeni? Neereke owo arimweera ottonyeriwa maahi vakhaani mmuruni?

Abatiziwakaru, Yesu aapatxera muteko aavahiwaawe ni Yehova. Mmusome Luka 3:21-23 ni Yohani 6:38. Avinyaka mutthekule ni ipontu sinttharelana:

• Yesu aBatiziwakaru, muteko heeni aahelaawe nipuro noopatxera mweekumini mwawe?

5. Obatizo etthu muntthuneyaanyu othanla meekhaanyu

Othanla wiivaherera wa Yehova ni oBatiziwa, pooti okhala muritti mutokotoko. Nto wakhala weera nyuwo munooxuttera voohima sa Yehova ni munavarihela muteko ele owo onhimaawe, munookhalano nroromelo mwaapakaka yoothanla eyo yootthuneya. Atthu antxipale aapaka eyo. Moone EVIIDIYU.

Mmusome Yohani 17:3 ni Yakobe 1:5, avinyaka mutthekule ni epontu enttharelana:

• Eheeni eneera emukhavihere mutthu wiireherera weera aBatiziwe?

1. Ninnaivaherera wa Yehova namuleela weera nintthuna onvarela muteko ekumi ahu yootheene

2. Vaavo nimbatiziwaahu ninnawoonihera atthu ootheene weera nohiivaherera wa Yehova

 6. Emaara nimBatiziwaahu ninneerela empari emusi ya Yehova

Emaara nimBatiziwaahu, ninneerela empari emusi ya Yehova yoowiiraana ya elapo yootheene. Ehipwatthaka elapo ankhalaaya naari sookhovelela saya Anamoona a Yehova ootheene ooBatiziwa soororomela saya siri imoharu nave aniiwelela malamulo mamoharu a Muluku. Musome Nsalmu 25:14 ni 1 Pedru 2:17, avinyaka mutthekule ni epontu enttharelana:

• Mutthu oBatiziwa, onthamwene heeni onkhalaweno ni Yehova ni ale ammukokhorela yoowo?

 NYAHA SOOTTHUNEYA

Yesu aaxuttiha weera makristu ootheene antthuneya oBatiziwa. Mwa yeeyo, mutthu ontthuneya okhalano nroromelo wa Yehova, ni okhala moovarihana ni ele onhimaawe sa yooreera ni yoonanara ni ovaherera ekumi awe wa Yehova.

Wuuluula

• Obatizo ti heeni, nave heeni oraaya wootthuneya?

• Wiivaherera onvarihana hayi ni oBatizo?

• Itthu heeni mutthu ontthuneyaawe opaka ohinakuve wiivaherera wa Yehova ni oBatiziwa?