Moohihovela, omusoma Biblya etthu yootthuneya mutthu ontthuenyaawe opaka. Mweekhaikhai eyo khehiyono etthu yookhweya. Ekwaha ekina, nyuwo munnuupuwela wakhala weera munoowera ovirelela omusoma Biblya. Vano heeni oraaya wooreera ovirelela omusoma? Eheeni enkela wookhaviherani weera nvirelelihe yoosomaanyu, nnaamweera mukumanakano maxupo?

1. Mwaha wa heeni omusoma Biblya oraaya wootthuneya?

“Khweli nsu na Muluku ti ekumi ni owerya.” (Aheberi 4:12) Omusoma Biblya etthu yootthuneya, owo onnanikhavihera osuwela ele Muluku onuupuwelaawe, ni moota owo onnoonelaawe itthu. Nnikhavihero na Biblya, nyuwo munoorowa oxuttera itthu inyowani. Ntoko okhalano osuwela ni okhalano yooweherera ya muhoolo. Mene etthu yootepa otthuneya, tiyooweera Biblya, onimookhaviherani okhala nthamwene a Yehova. Ekwaha ekina mummusomaanyu Biblya, nyuwo munnahiya owera wa masu a Muluku etxentxaka ekumi anyu.

2. Heeni oraaya wootthuneya ohela mwiitti ele Biblya onxuttihaawe?

Ikhaikhai sa mBiblyani, sinkhala ntoko mihakhu. Ti yeeyo Biblya oneeraaawe “othume, mene ohitumihe ekhaikhai.” (Miruku 23:23) Nahelaka mwiitti ele Biblya onxuttihaawe, nneereke wiilipihera otthuna omusoma Biblya—nnaamweera nikumanakano maxupo.—Musome Miruku 2:4, 5.

3. Yehova onkela wookhaviherani hayi ovireleliha yoosomaanyu?

Yehova mpattuxa oowera, ori ntoko nthamwene anyu owoosuwelani nnenesene waapwaha atthu ootheene ni ontthuna wookhaviherani, weera mmusuwele owo. Yehova pooti woovahani ‘yokhwelaanyu ni tho yoopanka.’ (Mmusome Afilipi 2:13.) Mwaha wa yeeyo, wakhala weera ikwaha ikina nyuwo munnatteettheya omusoma Biblya, naari munnoona oxupa ovarihela muteko ele munxutteraanyu, Yehova pooti wookhaviherani. Naari mwahaawelaka ikuru weera nwere oviriha maxupo anyu, Yehova onookhala moono anyu nvekeleke emaara yootheene weera owo ookhavihereni ovirelela omusoma Biblya.—1 Atesalonika 5:17.

 WEERA MUXUTTERE SINTXIPALE

4. Moonihere weera yoosoma ya Biblya ti yootthuneya wa nyuwo

Ikwaha ikina, ninnakhalano itthu sintxipale soopaka mpakana nnoona weera khanaanoono ehuhu weera nimusome Biblya. Eheeni enkela onikhavihera? Mmusome Afilipi 1:10, avinyaka mutthekule ni ipontu sinttharelana:

• Itthu heeni nyuwo munoonaanyu okhala “sophwanela” mweekumini mwanyu?

• Moota heeni munkelaanyu woonihera weera yoosoma ya Biblya ti yootthuneya wa nyuwo?

1. Wakhala weera nyuwo munnapatxera ohelamo mihava mbaldeni ni avinyaka munahelamo maluku, maluku khenkela okwanamo

2. Mene waakhala weera nyuwo mpatxenre maluku, nnoohalamo nlaka sinkelaaya ovolowamo mihava sootheene. Etthu emoharu enimweereya ni nyuwo wakhala weera munoopatxera itthu “sophwanela,” munoohalano ehuhu weera mpakeke itthu ikina tho

Omusoma Biblya onnanikhavihera okwanihera soohaawela sahu soomunepani—eyo tiyo, mukhalelo wootthuna omusuwela ni omukokhorela Muluku. Mmusome Matheyo 5:3, avinyaka mutthekule ni epontu enttharelana:

• Mareeliho heeni ninkelaahu waakhela waakhala weera ninnoona weera omusoma Biblya ti wootthuneya mweekumini mwahu?

 5. Muhaahiye atthu akina ewootxelihakani omusoma Biblya

6. Nyuwo munnaroromela weera Yehova onimookhaviherani?

 NYAHA SOOTTHUNEYA

Ekhaikhai weera omusoma Biblya wookhalano maxupo aya. Mene opaka eyo enimookhaviherani okhalano ohakalala mahuku ootheene. Nvirelele omuroromela Yehova, owo onimooreelihani.

Wuuluula

• Mwaha wa heeni ikhaikhai sa mBiblyani sikhanlaaya mihakhu wa hiyo?

• Munkela woonihera hayi weera munnahela mwiitti itthu “sophwanela”?

• Mwaha wa heeni nyuwo muntthuneyaanyu onvekela nikhavihero Yehova weera nvirelele omusoma Biblya?