ALIPA OOTHONYERA Muteko aya wookhaviherani. Txontte, nwiiweleleke muttharaka itthu enhima aya woohima sa weemexa itxinka, moota wooweetteetta, moota woowasunkera mapuro amusaanyu ni ale munaasuwela anyu, ni inyaha ikina awo enihima aya.

EDEPARTAMENTO YA ITTHU SOORIHEYA NI SOOTTOTTIWA Wakhala weera yohooriheyani etthu, txontte murowe wa anna yaawo envara edepartamento eyo, weera mwahime etthu yomonreni. Naari-tho wakhala weera moomuttotta mwaana, mmoroihe nipuronene nenna. Nto weera anna awo muhaavahe muteko mutokotoko, txontte mwaathokororeke anamwaniinyu, muhaahiyeke yoorakamelakani.

MAKHAVIHERO A ERETTA YOOTUTUXERA Txontte, musuwele weera paahi enkhaviheriwa atthu yaakhumelenle eretta yootutuxera.

MAPURO OOKILAATHI Txontte, nwuupuweleke atthu akina, muupuweleke weera mwaatthunaka waasunkera nipuro amusiinyu, ale munaasomiha anyu Biblya ni atthu munaasuwela anyu mwaasunkereke yaaworu paahi, muhisunkeke nipuro nneera nihikilaathiwe.

OBATIZO Ale anrowa oBatiziwa mapuro aya eri ohoolo, waattamela otribuuna yaahikhale marukunuxo makina. Mene, ale anrowa oBatiziwa ekilaathiki mapuro ala ohinaakuve ene mwaha wa oBatizo aya, yoowo onrowa opakiwa nihiku na eSaabado oxeexelo. Nto ale anrowa obatiziwa, txonde eruheke yoowaraya ni ekhaleke yoohuuliha muru.

SOOVELEELA Weera opakeye muthukumano ola, waatthuneya musurukhu mwintxipale, weera orehereriwe mukhalelo wa ikaruma sooruma, ikaruma sa iviidiyu, ni itxipaani sa miteko mikina, weera muthukumano ola okhale wootepa oreera ni onikhavihera omwaattamela Yehova. Yooveleela anyu yoohinyesereriwa enookhavihera vantxipale muteko wa elapo yootheene. Mene mwatthuna oveleela yamahala, sookhala ikaaxa siri mukwipi va muthukumanoni va. Nyuwo-tho pooti ovaha yooveleela anyu nvarihelaka muteko asaite ahu, donate.pr418.com. Mene muhihovele weera sooveleela sanyu sinnaheliwa mwiitti. Mukuttula woolamulela onimooxukurelani vantxipale mwaha wa yoovaha anyu yookhavihera miteko sa Omwene.

WIIVAHERERA OVARA MUTEKO Wakhala weera munnatthuna okhavihera ovara muteko ori poothe vamuthukumanoni ola, mwaaleele anna envara edepartamento ya oowivaherera ovara muteko.

EXIKOLA ENAAXUTTIHA ANAMALALEYA A OMWENE Mapioneiro arinono iyaakha sinphihera 23 mpaka 65 yaawo antthuna waatxeerera muteko aya, anniwompwa orowa wiiwa muthukhumano wa yaale antthuna orowela Exikola enaaxuttiha Anamalaleya a Omwene, onrowa opakiwa Edomingu othana. Mene nipuro ni emaara ya muthukumano ola, onoothalihiwa.