MWAHA ONTHOKORORIWA 20
Apokalise—ontaphulela eheeni wa amwittani a Muluku
“Àhàthukumanyera yawo nipuro nnitthaniwa vaheberi Harmagedoni.”—APOK. 16:16.
ETXIPO 150 Mumphavele Muluku wira Moopoliwe
ELE NINKELA AHU OXUTTERA *
1. Eliivuru ya Apokalise enuuluma eheeni woohima sa atthu a Muluku?
ELIIVURU ya Apokalise enhima weera Omwene wa Muluku onnalamulela wiirimu, ni weera Satana ohiikareliwa elapo ya vathi. (Apok. 12:1-9) Wiikariwa iwo wookumihera murettele wiirimu, nto eyo yookumihera maxupo elapo ela ya vathi. Mwaha wa heeni? Mwaha wooweera Satana ori ni isara sintxipale nave owo onnaawehexexa arumeyi ororomeleya a Yehova.—Apok. 12:12, 15, 17.
2. Eheeni enrowa onikhavihera ovirelela okhala oororomeleya wa Yehova?
2 Ninkela ovirelela hayi okhala oororomeleya wa Yehova nnamweera Satana antuphelaka? (Apok. 13:10) Etthu enkela onikhavihera, ori wuupuwelela mareeliho a muhoolo. Mwa ntakihero, eliivuru ya Apokalise ennahima weera, amwiittani a Muluku anrowa onyaanyiwa. Vano ninkela woona moota Apokalise onaahimaawe amwiittani awo ni etthu enrowa waakhumelela.
ITHOONYERO NINROWAAHU OTHOKORORA SINAAHIMA “AMWIITTANI” A MULUKU
3. Ithoonyero heeni nimphwanyaahu va eliivuru ya Apokalise?
3 Eversu yoopatxera ya Apokalise, ennanoonihera weera etthu ninrowaahu oxuttera enooniheriwa ni “ithoonyero.” (Apok. 1:1) Hiyo ninnaiwexexa weera amwiittani a Muluku annahimwa okhala “enama yoowopiha.” Mwa ntakihero, enama emoha “ennawela emaka [ephareya] erinono ene manyaka muloko ni miru mithanu orwa mili.” (Apok. 13:1) Moottharelana enooneya “enama ekina ekhumaka vathi.” Enama eyo, ennuuluma ntoko edragoni nave “ennakuruxa moro wirimu.” (Apok. 13:11-13) Avinyaka kahoona enama moota mukina, “enama yoxera,” ni muthiyana akilathenlene enama eyo yooxera. Inama iyo ttharu sinthaphulela amwiittani a Muluku. Mwa yeeyo, tiwootthuneya osuwela itthu sintaphulelaaya inama iyo.—Apok. 17:1, 3.
INAMA IXEXE
Inama iyo ixexe “sànakhuma mmaka [mphareya].” (Dan. 7:1-8, 15-17) Inama iyo sintaphulela ipotensia mundial sa mulaponi saapanke onthamwene ni atthu a Muluku ovinyera ehuhu ya Daniyeli. (eparagrafu 4, 7)
4-5. Moota heeni Daniyeli 7:15-17, onnikhaviheraawe wiiwexexa inama siromoliwe wa Apokalise?
4 Nihinakuve waasuwela amwiittani awo, nintthuneya osuwela itthu sinthonyeraaya ithoonyero iyo. Nto taani ori muthiyana owenle enama yooxera. Moota woowiwexexa eyo, ori omuhiya Biblya weera iiwanyeihe, mwaha wooweera, eliivuru ya Apokalise yohiwanyeihiwa ni iliivuru ikina. Mwa ntakihero, mprofeti Daniyeli aahona “inama sitokotoko ixexe sàkhuma mmaka [mphareya].” (Dan. 7:1-3) Inama iyo ixexe Daniyeli onnaawe, saathonyera eheeni? Inama iyo saathonyera olamulelo, eyo tiiyo, “imwene” ixexe. (Mmusome Daniyeli 7:15-17.) Yoohima ele, ennanikhavihera wiiwexexa weera, inama sinhimmwa wa Apokalise sinthonyera imwene, eyo tiiyo, olamulelo.
5 Yoosoma ela ninkela woona itthu sintaphulelaaya ithoonyero iyo sa inama. Avinyaka, ninrowa osuwela etthu eneera ekhumelele ni inama iyo. Napaka eyo, ninrowa woona moota Biblya onnikhaviheraawe wiiwexexa eheeni sinthonyeraaya inama, ni avinyaka ninrowa wiiwexexa eheeni itthu iyo sinthonyeraaya wa hiyo.
AMWIITTANI A MULUKU ANNASUWANYEYA
ENAMA YOOWOOPIHA YA MIRU MITHANU ORWA MIILI
Enama yoowoopiha “ennawela emaka” erinoneene manyaka mulokó ni miru mithanu orwa mili, vamanyakani vaya ikhara mulokó ni vakharani vaya masina òruwana. (Apok. 13:1-4) Enama eyo enthonyera owera wa epoliitika ya anamalamulela ovinyera ihuhu sa khalai. Miru mithanu orwa miili sintaphulela owera wa ilapo ithanu ni piili seiyo saapanke onthamwene ni atthu a Muluku. (eparagrafu 6-8)
6. Entaphulela eheeni enama ya miru mithanu ni miili [7] ehimmwa va Apokalise 13:1-4?
6 Eheeni enthonyeraaya enama erinono miru mithanu ni miili [7]? (Mmusome Apokalise 13:1-4.) Enama eyo, enlikana ni havara, [txoome a mmuhuruni] mene metto saya enlikana ni ursu, muru aya onlikana ni kharamu ni yookhalano manyaka muloko [10]. Makhalelo aya annahimwa va Daniyeli ekapiitulu ya 7. Ni makhalelo mamoharu, ennaphwanyeya va eliivuru ya Apokalise yeeyo envarihana ni enama emoha ohiya inama ixexe. Enama eyo, enthonyera olamulelo yoowo aahimmaawe murummwa Yohani eeraka, wookhalano owera wa “mahimo, miloko ni mulumo.” (Apok. 13:7) Nto ninnoona weera, enama eyo, enthonyera owera wa anapoliitika, yaawo enaawera atthu mpakana olelo va. *—Koh. 8:9.
7. Eheeni ontaphulelaaya yoole ori muru wa enama yooxera?
7 Enthonyera eheeni enama eyo ya miru seete [7]? Etthu eneera enikhavihere, tiiyeele nimphwanyaahu va eliivuru ya Apokalise ekapiitulu ya 17, yeeyo enhima mikhalelo simphwanyeya va Apokalise ekapiitulu 13. Nave tho, masu a Apokalise ekapiitulu ya 17:10, ninsoma ni masu ala: “mathanu yàmora, mmosá okhala, mukina khanaye ophiya. Vano aphiyakaru onnaphwanela okhala ehuhu vakhaani.” Owera wootheene wa anapoliitika, Satana onvarelaawe muteko, onhimmwa okhala ntoko “miru” seete [7]. Owera iwo wa anamalamulela a epoliitika, yaahavoleela atthu a Muluku. Etempu ya murummwa Yohani, seera simonreene imwene ithanu: w’Exipitu, Asiriya, Babiloniya, Medo-Persia, ni Gresia. Anathanu namosa [6], ari Roma yoowo alamulela etempu Yohani aakhenlaawe mitthenka sa Apokalise. Vano, olamulelo heeni weera okhale wa naaseete?
8. Omwene heeni woowera onthonyera muru wa naathanu naveeli wa enama?
8 Ntoko ninrowaahu woona, iprofesia sa Daniyeli sinoonikhavihera osuwela muru wa naaseete ni woomalihera wa enama. Ni omwene heeni onlamulela mahuku oomalihera, eyo tiiyo, “nihiku n’Apwiya?” (Apok. 1:10) Omwene owo, okhalanne imwene piili nave onvara wamoha ni wookhalano owera. Mamwene awo taala: Rei Unido ni Estados Unidos da America ni masu makina imwene iya, sinlamulela wamoha ni sinsuweliwa okhala Anglo-Americano. Yoowo ori muru woomalihera onhimmwa va eliivuru ya Apokalise 13:1-4.
ENAMA EKINA YA MANYAKA MEELI YOOLIKANA NI MWAPUTTIPUTTHI
Ni kahona enama ekina “ekhumaka vathi” ni yàkhalano manyaka meli òlikana ni Mwaputtiputthi, nto yùluma “ntoko Edragoni.” Nave ennapaka sotikiniha sitokotoko, “wera moroekuruxele vathi velapo” ni-tho annapanka sotikiniha ntko mmwanoni mwa “mprofeti òwotha.” (Apok. 13:11-15; 16:13; 19:20) Ntoko mwaamunama okhalanne manyaka meeli ni maprofeti oowootha, Anglo-America ennawoototha atthu a mulaponi ni anniweerela weera “epake elataratho” ya “mwaamunama oowali” okhalanne miru mithanu ni miili nave-tho okhalanne manyaka muloko. (eparagrafu 9)
9. Enama ya manyaka meeli “enlikana ni eputtiputthi” enthonyera eheeni?
9 Ekapiitulu ya 13 eliivuru ya Apokalise, ennanithoonyihera weera muru wa [naseete] athanu na veeli yoowo ori epotesia ya Anglo-Americano onvara muteko ntoko enama. “Ni yàkhalano manyaka meli òlikana ni Mwaputtiputthi, nto yùluma ntoko Edarakoni.” Enama eyo “ennapanka sotikiniha sitokotoko, wera moro tho wirimu ekuruxele vathi velaponi vamaithoni va atthu.” (Apok. 13:11-15) Ekapiitulu ya 16 ni 19 ya Apokalise, ennitthana enama eyo okhala “mprofeti owotha.” (Apok. 16:13; 19:20) Daniyeli aahuluma mwaha owo, vaavo aahimmaawe weera epotencia ya Anglo-Americano “yamunyaanya itthu sintxipale.” (Dan. 8:19, 23, 24, enoota.) Ti yeeyo yaakhumelenle mpuwa mwa ekhotto ya naaveli (II) ya elapo yootheene. Ibomba piili atomika seiyo saamalihe ekhotto opacifico. Yaari yookhumelela wa muteko waavarinwe ni masientista maBritanico ni a w’America. Mwa yeeyo epotencia ya elapo yootheene Anglo-Americano, “yaakuruxa mooro wiirimu ekuruxelaka elapo ya vathi.”
ENAMA YOOXEERA YOOWALI
Enama yaakilaatheliwe ni muthiyana òraruwa, Babilonia mutokweene. Ni enama ele yakhanle ni enakahala, ti mwene anathanu nararu. (Apok. 17:3-6, 8, 11) Woopatxerani, muthiyana namararuwa onnamulamula mwaamunama owoopiha nto mwaha woopaka eyo okhwipi waya onnanyaanyiwa mwaha woopaka eyo. Muthiyana namararuwa ontaphulela otakanxerana wa ittiini soowootha. Mwaamuna mahuku ahu ala ontaphulela Nações Unidas, yoowo ommwaramwara epoliitika ya elapo yootheene. (eparagrafu 10, 14-17)
10. “Enama yooxera” enthonyera eheeni? (Apokalise 13:14, 15; 17:3, 8, 11)
10 Muhoolo mwaya ninnoona enama ekina. Ela elataratho efootu ya inama ya miru seete. Ela ti yoolikana ni ele yoopatxera, mene evirikanne ekoore aya, mwaha wooweera ela ti yooxera. Ni owo, onnahimmwa okhala “elataratho ya enama” ni “omwene wa naathanu naararu [8].” * (Mmusome Apokalise 13:14, 15; 17:3, 8, 11.) Yohani onnahimexexa weera “omwene” owo waamukhumelela avinyaka wamuhiya okhumelela. Muhoolo mwaya waamukhumelela tho. Yoohima ela ti yoorerela voohima sa Organização da Nações Unidas, yoowo onaakhavihera anapoliitika a elapo yootheene! Woopatxerani owo aakhumelela ntoko liga das Nações. Avinyaka mpuwa mwa ekhotto ya naaveli (II) ya elapo yootheene, owo aahiya okhala. Nto owo otthikela okhala ntoko onsuweliwaawe olelo va, Nações Unidas.
11. Eheeni ahooleli a ipoliitika ampakaaya ni mwaha wa heeni nihintthuneyaahu woova?
11 Inama iyo, eyo tiiyo, olamulelo yoowo onnawooperera atthu omurukunuwela Yehova. Mwa ethoonyero, “omwene owo onoothukumanya imwene soothene sa elapo ya vathi” weera sawane ekhotto ya Harmagedoni, “nihiku ntokotoko na Muluku owera sothene.” (Apok. 16:13, 14, 16) Mene hiyo khanintthuneya okhala owoova. Muluku ahu owera Yehova, onoopaka etthu moowakuveya weera avuluxe ale ankhavihera omwene awe.—Ez. 38:21-23.
12. Eheeni enrowa okhumelela ni inama sootheene?
12 Eheeni eneera yeereye wa inama sootheene? Apokalise 19:20 onnaakhula: “Ni enama ele yàvariwa vamosá ni yele mprofeti òwotha apanka sotikiniha vamaithoni vaya, mwemmo àthwelelihaiye’mo atthu yàkhenle enenero ya enama ni tho yale yakokhorenle enenero aya. Oweli aya yàriheliwa akumi ene muntthiyani mwa moro wovarela ni enxofre.” Mene omwene owo vano tonlamulela. Nto moohipisa, Omwene wa Muluku onkela onyanya omwene owo.
13. Maxupo heeni akristu anvirihaaya mwaha wa anamalamulela a elapo?
13 Eheeni eyo enthapulelaaya? Hiyo ntoko akristu, nintthuneya weera nikhaleke ororomeleya wa Muluku ni Omwene awe. (Yoh. 18:36) Weera niwere eyo, nintthuneya ohipakela eparte nyaha sa ipoliitika sa elapo ela. Mene opaka etthu eyo ti wooxupa, mwaha wooweera, anamalamula a elapo ela antthuna okhaviheriwa mmasuni ni miteko. Nto yoowo onaakhulela onyesereriwa iwo, onnakhela ethonyero ya inama. (Apok. 13:16, 17) Yoowo onaakhulela ekanyero eyo, onnahiya waakhuleliwa ni Yehova nave, onooyeleela [onnalusa] ekumi yoohimala. (Apok. 14:9, 10; 20:4) Mwa yeeyo, tiwootthuneya ovirelela oheerela empari eparte elapo ela, nihipwatthaka onyesereriwa ele anamalamulela annipakelaaya!
OMALIHIWA WOOWUULIHA MURU WA NAMARARUWA
14. Moovarihana ni Apokalise 17:3-5, etthu heeni yootikiniha Yohani oonalaawe?
14 Murummwa Yohani ohimme weera “aatikhina” ni etthu oonnaawe, owo aamoona muthiyana akilanthene vasulu va inama. (Apok. 17:1, 2, 6) Muthiyana owo “namararuwa mutokweene” ni owo oneeriwa “Babilonia Mutokwene.” Yoowo “onraruwa” ni “mamwene a mulaponi.”—Mmusome Apokalise 17:3-5.
15-16. “Babilonia Mutokweene,” taani ni ninsuwela hayi eyo?
15 Taani ori “Babiloniya Mutokweene” taani? Muthiyana owo khaiyono mareherero a epoliitika, mwaha wooweera Apokalise onhima weera muthiyana owo onnararuwa ni mamwene a epoliitika a elapo ela. (Apok. 18:9) Mweekhaikhai mwaha wookilaathi vasulu va enama, onoonihera weera owo tonaawehaweha mamwene a ipoliitika. Opwaha mwa yeeyo, owo khaiyono mareherero a nakoso oonanara a elapo yootheene. Mareherero awo a muhakhu, annaromoliwa annahimmwa mwa eparte ekina ya Apokalise ni annitthaniwa okhala mareherero a “nakoso a elapo ela ya vathi.”—Apok. 18:11, 15, 16.
16 MBiblyani masu oweera “namararuwa” enhimmwa atthu yaale eniihima weera annamukokhorela kapena omulapela Muluku. Mene yaawo-tho, mene anivoleihera okhokhorela ilataratho ni ankhala asinthamwene a elapo ela. (1 Sow. 5:25; Yak. 4:4) Biblya onnahima tho weera, ale anvirelela omulapela Muluku “moororomeleya,” “mavirkho” eyo tiiyo, khanraruwa. (2 Akor. 11:2; Apok. 14:4) Babilonia akhalayi naari nipuro yaalapeliwaaya amuluku eethiru. Mwaha wa yeeyo, Babilonia Mutokweene onthonyera mikhalelo sootheene sookokhorela sa ethiru naari neere ittiini sootheene soowootha.—Apok. 17:5, 18; moone mwaha musaitini mwahu va jw.org yoowo oneera “O que é a Babilónia, a Grande?”
17. Eheeni enrowa okhumelela ni Bibilonia Mutokweene?
17 Eheeni enrowa okhumelela ni Babilónia Mutokweene? Apokalise 17:16, 17 onnaakhula eeraka: “Ni manyaka mulokó [10] wònnawe ni tho enama ele, ti yala anarwa wittana ni muthiyana òraruxiwa ni enemukhalihe mileperu ni pwitipwiti ni enekhure ithayi sawe ni enemuhise mmoroni. Khweli Muluku òhàvaha yawo miruku mmurimani mwaya, wera epanke okhwela wawe, anyi, epanke okhwela wawe omosaru, eyo tiyo, evahe omwen’aya enama ele mpaka ekwaniheriwe masu a Muluku.” Yehova onimwavarela muteko atthu a mulaponi weera evarele muteko mareherero a Nações Unidas weera enyaanye ittiini soowootha.—Apok. 18:21-24.
18. Eheeni nintthuneyaahu opaka weera nihipakeke itthu sinvarihana ni Babilonia Mutokweene?
18 Eheeni eyo entaphulelaaya wa hiyo? Etthu nintthuneyaahu opaka “elapelo yorera ni yohittheka va maithoni va Muluku ni Atithi.” (Yak. 1:27) Hiyo khanintthuneya owokiwa ni sooxuttiha soowootha, ni isataka sa mulaponi. Nave, opaka itthu sihinvarihana ni malamulo a Muluku ni ovara itthu soonamunepani ntoko oneerawe Babilonia Mutokweene! Opwaha wa yeeyo, hiyo nintthuneya waalaleera atthu weera ekhumemo, mBabiloniya Mutokweene ‘yahitthunaka weera ekawane soottheka sawe.—Apok. 18:4.
MWIITTANI MUTOKWEENE A MULUKU ONNATHORIHIWA
YAHONEYA EDRAGONI ETOKWEENE YA MORO
Satana onnavaha owera edragoni [enowa etokweene]. (Apok. 12:3, 9, 13; 13:4; 20:2, 10) Ntoko mwiittani a Yehova, Satana onkela onyaanyiwa sivinreene iyaakha 1.000. Woottharana, Satana “anàvonyeriwe muntthiyani mwa mooro ni mwa Enxofre.” (eparagrafu 19-20)
19. Taani ori ‘edragoni etokweene ya ekoore ya escarlate [yooxeera]‘?
19 Eliivuru ya Apokalise ennathaliha woohima sa ‘edragoni etokweene erinono ekoore ya mooro.” (Apok. 12:3) Edragoni eyo ennawana ni Yesu ni malaika awe. (Apok. 12:7-9) Edragoni eyo, ennawana ni atthu a Muluku ni ennavaha owera enama, yeeyo enthonyera anamalamulela a epoliitika. (Apok. 12:17; 13:4) Edragoni eyo taani? ‘Edragoni eyo ti nikhurapela nle nakhalayi nenlo nnitthaniwa Diabo ni Satana.’ (Apok. 12:9; 20:2) Namootha a elapo yootheene ni tho onnasontta arumeyi ootheene a Yehova.
20. Eheeni enrowa okhumelela wa edragoni?
20 Eheeni enrowa okhumelela ni edragoni? Apokalise 20:1-3 onhima weera, ntxelo onkela onvonyera Satana mowixani. Ovonyeriwa iwo moowixani, onrowa okhala ntoko Satana orotthukeliwa mukateya. Nave Satana, “khanrowa waawoka atthu mpakana ovira iyaakha 1.000.” Okhwipi waya, Satana ni mademonio awe, enoorowa ovonyeriwa mulittini mwa mooro ni enxofre eyo enthonyera weera awo anonyanyiwa “wa mahiku othene.” (Apok. 20:10) Neereke munnawera wuupuwelela moota elapo enrowaaya okhala, ahikhanlevo Satana ni mademonio awe? Onrowa okhala woohakalaliha!
21. Mwaha wa heeni nneerahu nihakalaleke ni ele ninsomaahu va eliivuru ya Apokalise?
21 Ti woorera wiiwexexa ithoonyero iyo sinhimmwa eliivuru ya Apokalise! Nooxuttera woohima sa amwiittani a Yehova, ni ele eneera yaakhumelele. Eyo enoolikana ni ele ohimmaawe Apokalise 1:3 “oreriwa tiyoole onasoma ni yale aniwa masu olokoha sa muholo ni anakhapelela seiya silempwemo”! Wakhala weera amwiittani a Muluku anonyaanyiwa, mareeliho heeni arumeyi a Muluku anrowaaya okhalano? Nnorowa woona eyo mwaha woomalihera wa nyaha iya.
ETXIPO 23 Yehova Oopacerya Olamulela
^ Eliivuru ya Apokalise ennavarela muteko nthoonyero weera yaahime amwiittani a Muluku. Eliivuru ya Daniyeli ennanikhavihera wiiwexexa ithoonyero iyo. Yoosoma ela, ninkela olikanxera iprofesia sa eliivuru ya Daniyeli ni iprofesia ikina sa eliivuru ya Apokali- se. Eyo enoonikhavihera waasuwela amwiittani a Muluku. Avinyaka, ninkela woona etthu enkela waakhumelela.
^ Etthu ekina yootthuneya mwa enama ela ya miru mithanu ni miili [7] ti yooweera erinono manyaka “muloko.” Nummeru 10 mBiblyani ninsuweliwa okhala nummeru nookwanela.
^ Moovirikana ni enama yoopatxera, enama ela khayaanono “ekhara mmuruni mwaya.” (Apok. 13:1) Eyo enneereya mwaha wooweera, enwa vahoolo wa “mamwene mathanu ni meeli” ti yaawo ananvaha owera.—Moone mwaha mu saitini, jw.org oneera “o que é a fera de cor escarlate de Apocalipse capítulo 17?”
