Wiiwanyeihiwa iwo pooti wookhaviherani nyuwo opaka ipeskisa sa masu a Muluku moowiixera, nyuwo tho pooti ophwanya soohimmwa woohimma sa sooweereya simphwanyeya nversu sa mBiblyani. Mwaha wa heeni elempwalaaya, yaalepeliwa taani naari otaphuleliwa waya masu eri poothe.

Va BIBLIOTECA ON-LINE de Torre de Vigia^™, naari JW Library^®, nyuwo pooti ophwanya ireferensiya sa Eliivuru Enaakhaliherya Anamoona a Yehova Otokosa Myaha Sikumiheriwe, ntthittaka nversuni sa mBiblyani. Nyuwo munoowera ophwanya ireferensiya iyo, mpaineelini nvarelaka muteko iversau sa Biblya siri poothe.

Ikaruma sikhumiherinwe viinaanoru sinoorowa okhuma osulu wa elista ni pooti weeraka ikaruma sa khalayi sinnakumiheriwa okhwipi wa elista ni pooti weeraka inyaha iyo soohiiwanyeihiwa veeli, nto mwaha wa yeeyo ontthuneya okhala oomaaleleya ni owehexexa nnene sene idaata vaavo muupakaanyu ipeskisa sanyu.

• Va BIBLIOTECA ON-LINE da Torre de Vigia, ireferensiya mumrowaanyu ophwanya va Eliivuru Enaakhaliherya Anamoona a Yehova Otokosa Myaha Sikumiheriwe sinnaatuwalizari meekhaaya.

• Weera nwere ovarela muteko ekaruma ela o JW Library, ontthuneya obaxari Eliivuru Enaakhaliherya Anamoona a Yehova Otokosa Myaha Sikumiheriwe ni omwaatuwalizari imaara sootheene. Moota wookhweya opaka eyo ori otthintta ebotawu enkhuma osulu wa epaineeli wa yoosoma ya ekapiitulu eri poothe ya Biblya.