Mmusome Aphuki 11:30-40 ni moone ntakihero nooreera Yefte ni mwanawe evanhaaya woohima sa waakwanihera anatiri.

Nwehexexe mwaha. Moota heeni ana a israeli oororomeleya yaawoonelaaya anatiri yampakelaaya Yehova? (Nam. 30:2) Moota heeni Yefte ni mwanawe yoonihenraaya weera yannamuroromela Yehova? — Aph. 11:9-11, 19-24, 36.

Muthola-thole vantxipale. Etthu heeni Yefte aamulaihenraawe Yehova ni owo aatthuna ohima eheeni? (w16.04-T epaax. 7 eparag. 12) Itthu heeni Yefte ni mwanawe yaapankaya weera emukwanihere natiri yammannaaya? (w16.04-T epaax. 7-9 eparag. 14-16) Anatiri heeni akina arumeyi a Yehova olelo ekhanlaaya oowaapaka? — w17.04-MAC epaax. 6-9 eparag. 10-19.

Moonelele itthu munxutteraanyu. Mwiikoheke ha:

• ‘Etthu heeni enrowa okikhavihera omukwanihera natiri kimmannaaka a wiivaherera?’ (w20.03-MAC epaax. 13 eparag. 20)

• ‘Itthu heeni kintthuneyaaka opaka weera kimpakele itthu sintxipale Yehova?’

• ‘Moota heeni kinrowaaka olipiha yoolakela aka yoomukwanihera natiri kimmannaaka vaavo kaathelaaka?’ (Math. 19:5, 6; Aef. 5:28-33)