Anamalaleera antxipale yaarehereraka mithukumano ennanvarela muteko aplikativu JW Library^®. Aplikativu ola mutthu wamuttapunya onooroiha va mwaha onthokororiwa wa Nwehereri. Ni etthu eyo ennanikhavihera vantxipale. Mene Nwehereri oomusoma onnakhalano nyaha mikina sihikhanle nyaha sinthokororiwa mmulokoni ni nyaha iyo yootxa tho ya omunepani. Vano ninkela ophwanya moota heeni nyaha iya ni ottottela mureerelo nivarelaka muteko aplikativu JW Library?

• Va JW Library, vathi va yoole ori mwaha onthokororiwa, ennaphwanyeya masu ala aneera “Leia também” avinyaka mmutapunye link oneera “Outros artigos desta revista”. Nyuwo munoowera woona nyaha sootheene sa Nwehereri owo. Ni munimoona weera nyaha sinthokororiwa sinkhuma ni manummeru. Nyaha ikina sihikhanle nyaha soothokororiwa khasaano manummeru. Nyaha ninhimaahu va, sinkhala mpuwa mwa Nwehereri. Nyuwo pooti ottapunya mwaha muntthunaanyu osoma.

• Moota mukina ori orowa nipuro nneera “Início”, va JW Library, weera moone nipuro nneera itthu “inyowani” ni mbaxariki erevista ya Nwehereri yakhumela vale enyowani. Avinyaka muttapunye erevista mbaxanraanyu ni nweheke nyaha sootheene sa erevista eyo. Wakhala weera munoopaka eyo munimoonihera weera munnasoma nyaha sootheene sa Nwehereri ori poothe onkumiheriwa.