Soolepa sinnanileela weera nakosoopeke Makristu owuunnuwa ntoko ameyahu ni ntoko atithahu ni ale ari amiravo ntoko asinnihu. (Mmusome 1 Timotheyo 5:1, 2.) Otepaxawene asinna entthuneya weera yaakasoopeke asirokora ni ekhitto vamoha ninttittimiho.

Ahikhalakhale munna anpakelaka etthu murokora ntoko oromutomera naari opaka etthu enrowa omuhiya murokora ohitaphuwa. (Yobi 31:1) Munna oohithela khanrowa otheeliha muupuwelo wa murokora muttiye, opakaka ntoko owo onoomutthuna.

Asitokweene a mulokoni ewoonihereke nttittimiho asirokora ampaka nikoho naari yahimaka etthu entthuneya owehexexa nnene. Asitokweene yaapwattheke asirokora ale attiye ehikhanleno ole onrowa waakasoopa.—Ru 2:8, 9.

MOONELE EVIIDIYU ENEERA: MOONIHERE NSIVELO MMULOKONI—WA ALE EKHWELINWE NI IKWAASUNI, AVINYAKA MWAAKHULE MAKOHO ALA:

• Muloko woonihenre hayi nsivelo nekhaikhai wa murokora Myint?

• Nsivelo muloko wooniheraaya waavanhe hayi onamoona omuttettheni?

• Moota heeni nsivelo muloko woonihenraaya waakhavihenraaya anamwane a murokora Myint?

Mwa moota heeni munrowaanyu woonihera weera munaapwattha asirokora amulokwaanyu?