Ekumi ya mahuku ala oomalihera tiyooxupa, ni maxupo awo eneereke otepa ovirelela vaavo nnaattamelaahu omamalihero wa elapo ela. Nto mwaha wa yeeyo, mahuku makina pooti weeraka khaninrowa okhalakano itthu sa weerutthuni. (Aheb 3:16-18) Etthu heeni eneera enikhavihere oviriha maxupo oothowa musurukhu ninroromelo? Aani, nintthuneya weera nivireleleke omuroromela Muluku ahu Yehova. Owo oolaihera weera onimwaakosoopa arumeyi awe, ni Yehova pooti onikosoopa hiyo mwa mukhalelo ori wootheene.—Nsa 37:18, 19; Aheb 13:5, 6.

Nyuwo munkela opaka eheeni:

• Munvekeleke Yehova weera ookhavihereni osuwela yoopaka, miruku ni nikhavihero nawe.—Nsa 62:9 [62:8 NM]

• Mweerereke ovara miteko mikina muhintalaanyu opaka.—g-T 1/10 equaadru ya epax. 8-9

• Mukhaleno sookhovelela sooreera sa omunepani, ntoko omusoma Biblya nnene nri nihuku, woonela mithukumano ni ovara muteko woolaleera

MOONELE EVIIDIYU ENEERA: MUTEKE EMPA YOOLIPA—“MUHAKALALELE NI SEIYO MURANYUNO”, AVINYAKA MWAAKHULE MAKOHO ALA:

• Imusi ikina sinviriha maxupo heeni?

• Etthu heeni eri yootthuneya weera niheleke nipuro noopatxera mwekumini mwahu?

• Ninkela omukhavihera moota heeni ole onviriha maxupo oothowa musurukhu?