MAKHALELO A MAKRISTU
Yehova onnaavuluxa ale ekhalanne munepa woopwexeya
Moohihovela ikwaha sikina ootheene a hiyo ninnariipiwa murima. Oriipiwa murima khontaphulela weera nyuwo khamulinpe moomunepani, naari Yehova ori mpattuxaahu oohima weera ikwaha sikina, owo tho onnariipiwa murima. (Eph 6:5, 6) Nto wakhala weera munnariipiwa murima ikwaha sootheene?
Mwaaseke nikhavihero na Yehova. Yehova onnanipwattha vantxipale emaara ninvirihaahu maxupo ammuupuweloni. Owo onnasuwela emaara nraahu oohakalala naari emaara ninriipiwaahu murima. Owo oosuwela eheeni entannyera maxupo ahu ammuupuweloni. (Nsa 7:9b) Ni etthu yootepa otthuneya ori osuwela, weera Yehova onnanipwattha ni owo pooti onikhavihera hiyo oviriha maxupo ammuupuweloni. — Nsa 34:18.
Mukosoope muupuwelo anyu. Miyuupuwelo soonanara sinnaniyeleeliha ohakalala wahu, opwaha mwa yeeyo, omukokhorela wahu Yehova. Nto nintthuneya okosoopa murimaahu naari neere miyuupuwelo sahu. — Mir 4:23.
MOONELE EVIIDIYU MOOTA HEENI ASINNA ENKHALANAAYA MURETTELE NNAAMWEERA EVIRIHAKA MAXUPO AMMUUPUWELONI. AVINYAKA MWAAKHULE MAKOHO ALA:
-
Nikki aapanke eheeni weera avirihe maxupo a mmuupuweloni?
-
Mwaha wa heeni Nikki aahaawelaawe nikhavihero na Meediku? — Mt 9:12
-
Mwa-mukhalelo heeni Nikki oonihenraawe weera aalipa nnikhavihero na Yehova?
