Nyuwo muri ootthuneya va maithoni va Yehova. (Yes 43:4) Yehova ohoopururelani wa yoowo orweela mwa mareherero awe. Vaavo nyuwo muniivahereranyu ni abatiziwa, munneerela empari ya emusi awe. Owo onimookosopani ni woothokororani naari mwa ehuhu yooxupa. Yehova aneereke owooniherani nsivelo neekhaikhai avarihelaka muteko mareherero awe.—Nsa 25:10.

Mukhalelo mmoha wowoonihera oxukurela nsivelo neekhaikhai na Yehova, ori oweha ele mareherero awe epankaaya vaanano va weera yaakhavihere asinna yaaphanyiwe ni irisa sa ephattu.

MOONELE EVIIDIYU ENEERA: EKOMISAU YA MAKORDENADORE YA 2019. AVINYAKA MWAAKHULE MAKOHO ALA:

• Miruku heeni Ekomisau ya Makordenadore yavelenlaaya mu ifiliyaali sootheene?

• Mareherero a Yehova, miruku heeni yaavanhaya ni yaakhavihenre hayi asinna a wIndonesia ni oNigeria?

• Ti eheeni nyuwo yoohakalalinheni vantxipale ni moota mareherero aahu yaavanhaaya miruku voohima sa moota wa wiisempiha eretta ya coronaviru?