Mwaha wa heeni ontthuneyaaya wiireherera? Eretta yootutuxera ni wapaxari hospital itthu sinkhumelala woohilaiha. Tivanto varaaya va miruku wiireherera viinano vaava, ehinaaye okhumelela eretta yootutuxra nvarelaka muteko ikaruma ikhanle sowookhavihereni waatenderiwa nnene hospital. Opaka eyo nyuwo munimoonihera weera munnahela mwiitti ekumi ni nlamulo na Yehova woohima sa ephome.—Mit 15:28, 29.

Munkela wiireherera moota heeni?

• Munvekele Yehova ni mpriyenxeri moomaleleya ekartau anyu ya ephome (DPA). a Anamalaleera obatiziwa pooti onvekela munna onkawa iliivuru kartau owo, ni tho wuulumano weera ovaheeni ekartau ya identificação ya anamwane (ic)

• Wakhala weera nyuwo muri ni erukulu mwaavekele asitokweene omulokoni eformulaariyu Informação para Grávidas [soohima sa atthu eri ni erukulu] (S-401). Edocumentu ela enimookhaviherani opaka soothanla sooreera wakhala weera enookhumelela maxupo mureene ni erukulu naari etempu yooyara

• Wakhala weera eretta enoovoreyani mamediku enhima weera ontthuneya oheleliwa ephome naari ontthuneya wapaxari hospital, mwaakuveke waalela asitokweene a muloko anyu. Hospitali iwo, mwaaleele atthu anvara weiwo weera munooxekuriwa ni Anamoona a Yehova

Asitokweene ammulokoni enkela wookhaviherani moota heeni? Awo pooti wookhaviherani opriyenxeri ekartau ya ephome (DPA). Asitokweene khenrowa woopakelani soothanla naari ohima moonelo aya woohima sa nyaha mutthu onthanlaawe mwanene awe. (Arom 14:12; Aga 6:5) Wakhala weera munimwaakuva waaleela asitokweene a muloko anyu weera moota ovahiwa murette onhela mpuwa oheleliwa ephome, awosa moohipisa enoolikarela ekomisau de ligação Hospitalar (HCL) eromolaka nsina nanyu.

Ekomisau ya ligação Hospitalar enkela wookhaviherani hayi? Asinna envara ekomisau ya ligação Hospitalar ennaxuttihiwa weera yaakhavihereke mameediku ni alipa ophuka nyaha wiiwexexa woohima sa moonelo ahu woohima sa oheleliwa ephome. Awo pooti woonihera moota woomutaratari mutthu onvoreiwa wohimuhelela ephome. Nave pooti wookhaviherani omphwanya meediku oneera aakhulele wootaratarini woohikhala ephome.

MOONELE EVIIDIYU ENEERA: MOOTA WOOKOSOOPA EKUMI WOOHIVARIHELA MUTEKO EPHOME, AVINYAKA MWAAKHULE NIKOHO NNA:

• Neeviidiyu ela eheeni nyuwo muxuttenraanyu enkela wookhaviherani okhala owiireherera yakhumelela eretta yootutuxera enhela mpuwa oheleliwa ephome?

  Your answer