Iyaakha sootheene Anamoona a Yehova ennaweherera mootteeliwa murima ehuhu yoowuupuwelela okhwa wa Yesu kristu. Ehinaaye ophiya esemana ya wuupuwelela ni yavira vale, ootheene hiyo ninnakhalano eparakha ya va meekhaaya ya onvuwiha ni omuxukurela Yehova mwaha wa yoovaha ya mukuttho. Tivanto, nipakeke itthu sootheene ninweraahu weerra nttottele mureerelo ehuhu eyo. (Aef 1:3, 7) Mwa ntakihero, hiyo pooti wiilipihera ni murima ahu wootheene weera naawope atthu weera yoonele wuupuwelela okhwa wa Yesu. Atthu akina annapaka matxentxo mweekumini mwaya weera ewere okhala piyoneiru okhavihera ni yootthuna ya oveleela iwoora 30 naari 50 mweeri wa Março naari Abril. Neereke nyuwo mwannatthuna waatxeerera muteko munanvarelaanyu Yehova ehuhu yoowuupuwelela okhwa wa Yesu? Munkela opaka moota heeni eyo?

Ikwaha sintxipale hiyo ninnakhumela nnene wakhala weera nohireherera nnene varaatxiru. (Mr 21:5) Ntoko atthwaala esuwenlaaya weera wuupuwelela okhwa wa Yesu woohattamela, nto epatxere ninano vaava wiireherera. Muupuwele moota nyuwo muneeraanyu mwaatxeerere muteko munanvarelaanyu Yehova ehuhu yoowuupuwelela okhwa wa Yesu ni muthanle sooluluwanya ni moone moota munkelaanyu okwanihera sooluluwanya iyo. Ni munvekele Yehova weera areelihe wiilipihera wanyu iwo.—1Yoh 5:14, 15.

Moota heeni nyuwo muneeraanyu mwaatxeerera muteko munanvarelaanyu Yehova ehuhu yoowuupuwelela okhwa wa Yesu?