Nyuwo mmiravo muktistu naari na masoma a Biblya, murino yoolakela ya oBatiziwa? Heeni oraaya wootthuneya okhalano yoolakela ela? Wiiveleela ni oBatiziwa onnahula mulako wookhalano onthamwene ni Yehova. (Nsal 91:1) Nave mutthu wa Batiziwa, pooti okhalano eparakha ya ovuluxiwa. (1Ped 3: 21) Eheeni entthuneya anyu opaka weera nweere oBatiziwa?

Moonelele muneenanyu weera moophwanya ekhaikhai. Wakhala weera yookhala enoovalavelihani, mwaasaase osuwela mwaha owo. (Arom 12:2) Muupuwele itthu muntthuneyaanyu otxentxa, mpakeke matxentxo awo weera mmusivelihe Yehova. (Mir 27:11; Aef 4:23, 24) Munvekele Yehova nikhavihero. Muhittiwale weera Yehova onimoovahani ikuru ni wookhaviherani avarihelaka muteko munepa awe wootteela. (1Ped 5:10, 11) Matxentxo munrowaanyu opaka khenkhala amahala, mwaha wooweera onvarela muteko Yehova etthu yootepa oreera.—Nsal 16:11.

MOONELE EVIIDIYU ENEERA: MARUKUNUXO ATTHU AKINA APANKE AYA WIRA APATISIWE. AVINYAKA MWAAKHULE MAKOHO ALA:

• Maxupo heeni asinna akina evirihaaya weera ewere oBatiziwa?

• Eheeni mutthuneyaanyu opaka weera mukhaleno nroromelo ni wiivaherera wa Yehova?

• Eheeni eweerinhe asinna akina otthuna oBatiziwa?

• Mareeliho heeni Yehova onrowaawe waavaha ale antthuna onvarela muteko?

• Ontaphulela eheeni wiivaherera ni oBatiziwa?