Yehova ahareherera ana a israeli akhalayi. Nave tho owo onnaareherera atthu awe mahikwaano. Mwaha wa yeeyo, hiyo ninnawera opaka yootthunaawe. Elapo yootheene, iFiliyaali, isirkwiitu, miloko ni ikrupu sa muteko woolaleya sinvara vamoha weera sivirelele ovara muteko woolaleera. Hiyo ninnaalaleera atthu a maloko ootheene, mpaka atthu anuuluma nuulumo nikina.—Apok 14:6, 7.

Nyuwo munnupuwela oxuttera nuulumo nikina weera nwere waaxuttiha akina ekhaikhai? Mwaahikhanleno ehuhu weera muxuttere nuulumo nikina, mweerere onvarela muteko JW Language weera muxuttere moota woopatxera otthekula ni nuulumo nikina. Mweera hiiho munookhalano ohakalala ntoko aKristu akhalayi, yaahakalanle ehuhu yaalalenraaya atthu amaloko makina. Atthu awo owanoni waawuma yiiwakaru “itthu sootikiniha sa Muluku” ni nuulumo naya.—Mit 2:7-11.

MOONELE EVIIDIYU ENEERA: MUKHALE MPATTHANI A YEHOVA—MULALERYEKE NI NTTAVA NIKINA. AVINYAKA MWAKHULE MAKOHO ALA:

• Emaara heeni onrerelaaya onvarela muteko JW Language?

• Munrowa ophwanya eheeni mu JW Language?

• Muulumo heeni makina atthu a muttetthe anyu anuulumaaya?

• Munaapake eheeni mwamphwanya mutthu onuuluma nuulumo nikina, atthunaka osuwela ekhaikhai?—od-MAC epax. 100-101 eparag. 39-41