Ntheli, khaiyene etthu ya matheela vamaithoni va Yehova, owo otthuna weera mulopwana ni muthiyana yaakwanihereke anatiri aya. (Mt 19:5, 6) Mmarehereroni mwa Yehova aakhala matheli mantxipale oohakalala. Mene khaninkhanle ntheli nookwanela, mwa yeeyo annakhumelela manyaku-nyaku. Mulaponi atthu anuupuwela weera, ovalaana ni omwalana murette wa omaliha manyaku-nyaku vanthelini. Hiyo ntoko aKristu, khontthuneya wuupuwela hiiho. Anamathelana enaakasoope hayi entheli naya?

Sookhala iphiro ithanu sikhanle soonikhavihera

1. Mukasoope murimaanyu weera muhisiveliweke ni mutthu mukina, ni musepeke woona itthu soowuliha muru, weera muhinanarihe ntheli nanyu.—Mt 5:28; 2Ped 2:14.

2. Mulipihe onthamwene anyu ni Muluku, ni mwiilipihereke okhalano ntheli nimmuhakalaliha yoowo.—Nsal 97:10.

3. Nwareke omutthu wa nanano mupuweleke itthu ikhaanene mukhanlanyu opaka weera mwasivelihe amwarinyu naari aiyanyu.—Akol 3:8-10, 12-14.

4. Mulumihaneke moosivelana ni nttittimiho.—Akol 4:6.

5. Munvahe mwarinyu naari iyanyu ele entthuneya mwa nsivelo.—1Akor 7:3, 4; 10:24.

Yehova opanke ntheli. Nto nattittimihaka vale, nnamuttittimiha yoowo.

MOONE EVIIDIYU ENEERA: HIYO NIHAANA ‘OLIPIHERYA OTTHIMAKA’—NITTHARIHELEKE IKANO SA OXINTTA-NA NNO. AVINYAKA MWAAKHULE MAKOHO ALA:

• Othelana vanaanoru oreera, nto maxupo heeni akhanle ookhumelela?

• Miruku sa mBiblyani sinrowa waakhavihera hayi ale anoona weera nsivelo na vanthelini vaya noomala?

• Malamulo heeni Yehova otikithenraiye vanthelini?

• Heeni entthuneya opaka anamathelana weera ntheli naya nikhaleke noohakalala?