Wakhala weera muntthuna waatxeerera muteko munanvarelaanyu Yehova, ni munuupuwela othaamela nipuro noothowa anamalaleera, muroromeleke weera opaka yoothanla eyo, ontthuneya okhalano nroromelo. (Aheb 11:8-10) Mutthekule naasitokweene amuloko voohima sa mwaha owo. Vano itthu heeni mukhanlaanyu oopaka weera nwehe waari weera yootthunaanyu eyo enoowereya ni avinyaka othanla nipuro muntthunaanyu orowa okhavihera? Aani mutholathole iliivuru sahu sirino nyaha sinhima voohima sa othaamela nipuro noothowa anamalaleera. Nave tho, mutthekule voohima sa mwaha owo ni asinna ethamenle muloko waahaawela anamalaleera naari neere muloko waahawela nikhavihero. (Mir 15:22) Munvekele Yehova munivekeloni weera oovaheeni miruku sawe. (Yak 1:5) Wakhala weera nyuwo mohithanlela mmuruni mwanyu nipuro noorowa okhavihera, muhinaaye otthukanya miritti sanyu mwaasaase toko osuwela itthu sa nipuro nno. Aani mweerere orowa oxekura muttetthe owo, vaawereyaka mmale mahuku anyu pahi mureene weiwo.

MOONELE EVIIDIYU ENEERA: MUKHAVIHERIWAKA NI NROROMELO, MUMPAKELE YEHOVA ELE MUNWERAANYU—MUTHAAMELE NIPURO NOOTHOWA ANAMALALEERA, AVINYAKA MWAAKHULE NIKOHO NNA:

• Matxentxo heeni Gabriel aatthuneyaawe opaka, ni etthu heeni yaamukhavihenre?