Yehova ontthuna weera imusi sihakalaleke. (Nsa 127:3-5; Koh 9:9; 11:9) Menento maxupo a elapo ela ni soopahula sa veemusini pooti oniyeleeliha ohakalala wahu. Etthu heeni mutthu ori poothe a hiyo ontthuneyaawe opaka weera akhavihere emusi awe okhala yoohakalala?

Mulopwana onnaattittimiha amwaariye. (1Ped 3:7) Owo onnaviriha etempu ni awo ni onnaaxukurela mwa itthu sootheene empakaaya weera ekosoope emusi , owo khanaanyeserera opaka etthu ehinweraaya. (Akol 3:15) Owo tho onnawoonihera nsivelo mwaariye, ni masu, soopaka sawe ni vaavo onaattottopelaawe.—Mir 31:28, 31.

Muthiyana onnaakhavihera aiyaawe. (Mir 31:12) Owo onnaawiiwelela aiyawe ni onnaakhavihera. (Akol 3:18) Nave tho owo onnuuluma mooreerela ni aiyawe.—Mir 31:26.

Asitiithi ennaviriha etempu ni anamwanaaya. (Ol 6:6, 7) Opwaha mwa yeeyo, ennaweerela anamwaaya weera ennaasivela. (Mt 3:17) Ni yaatthunaka waattaruxa anamwanaaya awo tansivelo ni ooreera murima.—Aef 6:4.

Anamwane ennaattittimiha ni owiiwelela asitithaya. (Mir 23:22) Awosa ennaaleela asitithaya etthu envirihaaya ni enuupuwelelaaya. Opwaha mwa yeeyo, anamwane ennaakhulela nttaruxo na asitithaya ni ennaattittimiha.—Mir 19:20.

MOONELE EVIIDIYU ENEERA: MUHAKALALEKE VEEMUSINI. AVINYAKA MWAAKHULE NIKOHO NNA:

Etthu heeni mutthu ori poothe a veemusini aapankaawe weera aruuhele ohakalala veemusini?