Sooluluwanya sa omunepani ti eheeni? Itthu sootheene seiye nniilipiheraahu opaka weera ninvarele nnene Yehova ni omuhakalaliha owo. Sooluluwanya iyo sinnanikhavihera wunnuwihera mukhalelo ahu woomunepani, tivanto ontthuneyaaya wiilipihera weera nikwanihere sooluluwanya iyo. (1Tim 4:15) Mwaha wa heeni ontthuneyaaya owehexexa sooluluwanya sahu etempu eri yootheene? Mwaha wooweera makhalelo ahu a mweekumini ennatxentxeya. Apaale pooti okhala woohiwereya okwanihera sooluluwanya sahu naaraahuno khalayi naari pooti weera nookwanihera yooluluwanya naaraahuno ni nintthuna opaka yooluluwanya ekina.

Etempu yooreera weera niwehexexe sooluluwanya sahu eri etempu ehinaaye opatxera eyaakha enyowani ya muteko. Munoonela hayi wuuluma woohima sa mwaha owo emaara mumpakaanyu yoosoma ya veemusini? Mweera haawo, munoowera opaka sooluluwanya sa mutthu ti mutthu ni sooluluwanya sa emusi yootheene.

Sooluluwanya heeni sinttharelana nyuwo muntthunaayu okwanihera? Etthu heeni nyuwo muupuwenlaanyu opaka weera nwere okwanihera sooluluwanya iyo?