29 a Julho–4 a Agosto
NSALMU 69
Etxipo 13 ni Nivekelo | Masu oohulela (emin. 1)
1. Moota heeni Nsalmu 69 nnuulumaaya sooweereya sa mweekumini ya Yesu
(imin. 10)
Yesu aahisonttiwa woohikhala nthowa (Nsa 69:5 [69:4, Tradução do Novo Mundo]; Yoh 15:24, 25; w11 15/8 epaax. 11 eparag. 17)
Yesu aari anthiti mwaha wa Yehova (Nsa 69:10 [69:9, NM]; Yoh 2:13-17; w10 15/12 epaax. 8 eparag. 7-8)
Yesu aaviriha oruwaniwa vantxipale ni aawurihiwa eviinyu yoowaawa emaara aavolinwaawe ntthona (Nsa 69:21, 22 [69:20, 21, NM]; Mt 27:34; Lk 22:44; Yoh 19:34; g95-T 22/10 epaax. 31 eparag. 4; it-2 epaax. 660 eparag. 2)
Weera mphimelele: Mwaha wa heeni Yehova ahenlaawe iprofesiya woohima sa Mesiya mwa soolepa sa eHeberi?
2. Othokorora itthu soomunepani
(imin. 10)
-
Nsa 69:31, 32 [69:30, 31, NM] — Moota heeni iversu iya sinnikhaviheraaya oreherera mavekelo ahu? (w99 15/1 epaax. 18 eparag. 11)
-
Itthu heeni sootthuneya mphwannyaanyu emaara mwaamusomaanyu Biblya esemana ela?
3. Omusoma Biblya
(imin. 4) Nsa 69:2-26 [69:1-25, NM] (th-MAC 2)
4. Opixa murima — Etthu Yesu aapankaawe
(imin. 7) Mwaha. Moonihere EVIIDIYU, ni muthokorore lmd yoosoma 8 epontu 1-2.
5. Opixa murima — Mutthareke ntakihero na Yesu
(imin. 8) Mwaha moovarihana ni lmd yoosoma 8 epontu 3-5 ni “Nwehe-tho.”
Etxipo 134
6. Sootthuneya sa mmulokoni
(imin. 5)
7. Miruku sa moota woopaka yookokhorela ya veemusini
(imin. 10) Mwaha.
Mweeri wa Janeiro a 2009, osommwa wa Biblya mmulokoni waatxentxiwa esommwaka Exikola ya muteko woolaleera ni muthukumano wa muteko opakiwaka muthukumano mmoha eriyari ya esemana. Eyo yanneeriha imusi ohiyu omoha vasemanani okhalano eprograma yoopaka okokhorela veemusini. Atthu antxipale aahoonihera oxukurela mwaha wa mareherero yaawo yaapakinwe weera yaakhavihere omwaattamela Yehova ni mukina ni mukhwaawe. — Ol 6:6, 7.
Miruku heeni sinrowa waakhavihera ahooleli a imusi opaka yookokhorela ya veemusini yooreera?
-
Mpakeke woohihiyerereya. Waawereyaka mukhaleno nihiku nimoha noothanleya na okokhorela wa veemusini. Mukhaleno nihiku nikina noothanleya wakhala weera nihiku muthanliyaanyu yookhala etthu yootxeelinhe
-
Mwiireherereke. Mwaakoheke amwaarinyu, nave ikwaha ikina mwaakoheke anamwane anyu moonelo aya. Wiireherera wanyu ohikhaleke wa etempu yintxipale, otepaxa wene wakhala weera amusi anyu onnaasivela opaka itthu ikina eriyari ya esemana
-
Mwiikhovelelihe eprograma ni emusi anyu. Emaara anamwane anyu enunnuwaaya, soohaawela ni mikhalelo sanyu sinnatxentxa. Eprograma anyu entthuneya eweeriheke atthu ootheene a veemusini vanyu wunnuwa mwa mukhalelo woomunepani
-
Muthanleke nipuro nooreera ni noomaaleleya. Mahiku makina, muthanleke osoma vanlakani vaavo enviraaya epheyo yooreera. Waahaaweleyaka vale, mukhaleke ootaphuwa weemexera. Nnaamweera otthuneyaka wiiwexexa vantxipale weera nvirihe maxupo a veemusini, muhivariheleke muteko okokhorela wa veemusini weera nvahe miruku naari ottaruxa
-
Muhiyaniheke. Mwa ntakihero, okokhorela wanyu wa veemusini, nyuwo pooti ohela mpuwa oreherera mithukumano sa esemana enttharelana, oweha eviidiyu va jw.org ni otthekula woohima sa eviidiyu eyo, ni wiireherera woohima sa muteko woolaleera. Nnaamweera otthekula iwo otthuneyaka opakiwa ohiyu va okokhorela, nave-tho pooti ohela mpuwa etempu eyo weera atthu a veemusini epake yoosoma ya omeekha ereene vamoha
Mpake nikoho nna:
-
Moota heeni nyuwo muneereraanyu ovarihela muteko miruku iya vaavo mumpakaanyu yookokhorela ya veemusini?
