5-11 a Agosto

MASALMU 70-72

PLAY

5-11 a Agosto

Etxipo 59 ni Nivekelo | Masu oohulela (emin. 1)

MIHAKHU SA MASU A MULUKU

1. “Olalerya irukulu sothene sa muholo” woohima sa owera wa Muluku

(imin. 10)

Davidi aahoona okosoopiwa emaara aaraawe mmiravo (Nsa 71:5; w99 1/9 epaax. 18 eparag. 17)

Davidi aahoona nikhavihero na Yehova emaara aaraawe oowuuluvala (Nsa 71:9; g04 8/10 epaax. 23 eparag. 4)

Davidi aahaalipiha amiravo aaleelaka sookumanano sawe (Nsa 71:17, 18; w14 15/1 epaax. 23 eparag. 4-5)

MWIIKOHEKE HA, ‘Munna heeni oowunnuwela a mmulokoni mwaka kintthunaaka omukoha-koha mpuwa mwa okokhorela wa veemusini?’

2. Othokorora itthu soomunepani

(imin. 10)

Nsa 72:8 — Moota heeni yoolaihera ya Yehova woohima sa Abrahamu emphwanyeya va Ephattuwelo 15:18 yaakwanenlaaya mpuwa mwa olamulelo wa mwene Salomoni? (it-1 epaax. 892-893 eparag. 2)

Mulepeke va inoota sanyu
Itthu heeni sootthuneya mphwannyaanyu emaara mwaamusomaanyu Biblya esemana ela?

Mulepeke va inoota sanyu

3. Omusoma Biblya

(imin. 4) Nsa 71:1-24 (th-MAC 5)

MWIILIPIHERE OVARA MUTEKO WOOLALEERA

4. Otthekula woopatxera

(imin. 3) EMPA NI EMPA. Wakhala weera mutthu owo ontthuna ovaanyihanaka, mmalihe otthekula iwo mooreerela. (lmd yoosoma 4 epontu 5)

5. Munnuwiheraka opwatthela

(imin. 4) OLALEERA WOOHIIREHERERA. Mutthikele otthekula mwaahiyerenraanyu ni mmusi anyu yoowo ontthuna omusoma Biblya. (lmd yoosoma 8 epontu 4)

6. Mwiiwanyeihaka soororomela sanyu

(imin. 5) Mwaha. ijwfq 49 — Muru: Mwaha wa heeni Anamoona a Yehova etxentxalaaya soororomela saya sikina? (th-MAC 17)

MAKHALELO A MAKRISTU

Etxipo 76

7. Miruku sa moota woopaka yookokhorela ya veemusini

(imin. 15) Mwaha.

Ohiyu wookokhorela wa veemusi etempu yootepa otthuneya weera anamwane exuttere ‘nttaruxo ni malamulo a Yehova.’ (Aef 6:4) Oxuttera, muteko mutokweene, mene pooti okhala etthu yootepa oreera, otepaxa wene vaavo anamwane enooniheraaya ntthuno wa ikhaikhai sa mBiblyani. (Yoh 6:27; 1Ped 2:2) Moone ekwaadru eneera “ Miruku sa moota woopaka yookokhorela ya veemusini” enrowa waakhavihere asitiithi opaka nnene yookokhorela ya veemusini, avinyaka mutthekule ni makoho ala:

Miruku heeni nyuwo mwaatthunaanyu ovarihela muteko?

Mulepeke va inoota sanyu
Mohoonelela etthu ekina yoosivenleni?

Mulepeke va inoota sanyu

MIRUKU SA MOOTA WOOPAKA YOOKOKHORELA YA VEEMUSINI

BIBLYA:

Mwiiwelele audiyu a vasemanani oogravariwa a Biblya, naari pooti osoma moowiiwanyeya. Mutthu ari poothe a veemusini pooti osoma masu a mutthu oovirikana a mBiblyani
Mureherereke makoho moovarihana ni osommwa wa Biblya vasemanani. Munvekele mutthu ari poothe a veemusini vanyu weera aase nikoho ni othola-thola. Avinyaka awo pooti ohima etthu ephwannyaaya
Mpake nikoho nimoha naari etthu emoha, avinyaka mwaasaase miruku sa mBiblyani va Soolempwa sa Ekristau
Muxuttere eparte emoha ya mBiblyani
Mmureherere kartau anyu weera muhelemo iversu soovirikana sa Biblya sa vasemanani, ntoko sa va Apêndice A va ebroxura Mwaasiveleke atthu — Mwaapakeke atthareli, ni mweerere wuupuwelela iversu iyo. Mmwiiwelele veeli audiyu a esemana evinre
Musome eparte emoha ya liivuru Mukhaleno ekumi yoohimala!
Mwaathanle atthu a veemusini vanyu weera yoonihere etthu ephwannyaaya va mwaha oneera “Waakhuliwa wa Makoho a mBiibiliyani” naari “Textos Bíblicos Explicados” emphwanyeya va SOOXUTTIHA SOOWIIWANYEYA va jw.org

MITHUKUMANO:

Oreherera eparte emoha ya mithukumano sa muloko
Oreherera ni winsayari ekomentaariyu. Mulepeke inoota
Mureherereke itxipo sa Omwene
Nvaanele ni muxuttere etthu yoohima weera mmulipihe mutthu sihinaaye naari okhwipi wa mithukumano
Mwinsayari yoowoonihera ya mmusi anyu yeeyo anrowaawe opaka moohipisa mithukumano sinttharelana ohoolo wanyu

OLALEERA:

Mwiireherere weera mwalaleere empa ni empa
Mwiireherere weera mutthikele oxekura
Muupuwele moota woolaleera woohiireherera, ni moone moota munrowaanyu opatxeriha otthekula mooreerela
Nvaanele itthu muntthunaanyu okwanihera mmutekoni moolaleera etempu ya wuupuwelela okhwa wa Yesu naari emaara ya ifeeriya sa omutekoni naari oxikola

SOOTTHUNEYA SA VEEMUSINI:

Nvaanele moota munrowaanyu oviriha maxupo ekhumelenle naari enrowa okhumelela ntoko oheerela eparte epoliitika, otheiwa, onamorari naari otthapela omala wa eyaakha
Mpake yoowoonihera yeeyo asitiithi ni anamwane entxentxanaaya ipaphelo. Anamwane ennathola-thola miyaha ni ennuupuwelela ni asitiithi aya

MIRUKU SIKINA:

Moonele eviidiyu avinyaka mutthekule woohima sa eprograma yooniherinwe va JW Broadcasting^®
Musome mwaha naari moonele eviidiyu va jw.org, avinyaka mutthekule
Muthokorore etthu va eparte eneera “Adolescentes e Jovens Adultos” naari “Crianças” emphwaneya va SOOXUTTIHA SA MBIBLYANI va jw.org
Musome veeli inoota sanyu sa okongreesuni naari wAssembleyani
Nwehe naari muthola-thole woohima sa soopattuxiwa, avinyaka mutthekule woohima sa etthu ennixuttihaaya woohima sa Yehova
Ikwaha ikina munwopeke mutthu weera akhale vamoha ni nyuwo, nave mmukoha-koheke
Mukhalekeno sooluluwanya sa omunepani ni mooneke moota munrowaanyu okwanihera
Nvare muteko vamoha, ntoko opaka yoowoonihera, maapa naari egrafico

Moonihere EVIIDIYU Nvirelele oreherera okokhorela wanyu wa veemusini. Avinyaka mpake nikoho nna:

Moota heeni mulopwana oothela onrowaawe opaka okokhorela wa veemusini woowaahakalaliha amwaarawe vaavo ehikhanlaayano anamwane?

Mulepeke va inoota sanyu

8. Osommwa wa Biblya mmulokoni

(imin. 30) w22.03 Mwaha onthokororiwa 3 eparag. 1-9

Masu oomalihera (imin. 3) | Etxipo 123 ni Nivekelo

EKUMI NI MUTEKWAAHU WA MAKRISTAU

Eprograma ya mithukumano sa ekumi ni mutekwaahu wa makristau ya 5-11 a Agosto a 2024

Makhuwa-Shirima