Mmulokoni mwahu aakhala anna anvarenle muteko Yehova iyaakha sintxipale. Awo anninxuttiha okhalano nroromelo noolipa ni Yehova. Hiyo pooti waakoha itthu yoonnaaya mmarehereroni mwa Yehova, ni moota aweenraaya ovilela maxupo yaaphwanya ekhaviheriwaka ni Yehova. Nave-tho pooti waakoha anna awo moota woomukokhorela Muluku vatthokoni.

Atthu apatxenre okhala makristu okhuma khalai, antthuneya okhala ootaphuwa olipiha nroromelo na amiravo mmulokoni. Yakobe ni Yosefe yannaavaha miruku anamwane aya yaaleelaka itthu yaakumananaaya mookumini mwaya (Eph 48:21, 22; 50:24, 25) Evinreene ehuhu Yehova aahaaruma asitokweene a itthoko weera yaaxuttiheke anamwanaaya miteko soowera sa Yehova. (Ola. 4:9, 10; Nsal 78:4-7) Mahiku ahu ala asitiithi ni atthu akina a mmulokoni, pooti waalela amiravo itthu sootikiniha yoonnaaya mmareheroni mwa Yehova.

MOONE EVIIDIYU ENEERA AWO YAARI OOWIIWANANA HATA OKATHI YAALUPATTHIWA AYA, NI MWAAKHULE MAKOHO ALA:

• Efiliyale ya wAustraliya yaakhavihenre hayi asinnihu anikhala elapo muteko ahu onikhoottihiwaaya?

• Nto anna a elapo ele yaalipinhe hayi nroromelo naya?

• Heeni atthu antxipale oRomenia yaammwarenlaaya Yehova ni yaamutthikenle hayi?

• Sooweereya sene seiya sinlipiha hayi nroromelo nanyu?