Mwaha wookhala atthu ootheka, ninnitthuneya owanano mahuku ootheene weera niwere okosoopa sowinlela sahu. Nahikosoopa sowinlela sahu, hiyo pooti oyeleela onthamwene nraahuno ni Yehova. Mwa ntakihero, atthu akina annahiya yoowinlelaaya ya okhalano yootxa, ikuwo ni okhalano niporu nooreeraxa enanarihaka onthamwene aya araayano ni Yehova. Akina ankwanihera soowinlela saya sa okonihana etuphaka malamulo a Muluku. (Arom 1:26, 27) Nave akina annahiya okhanyereriwa na sinthamwene weera epake yootheka.—Ott 23:2.

Nintthuneya opaka heeni weera nikosoope soowinlela sahu? Weera niwere opaka eyo, nintthuneya wiilipihera weera nuupuweleke itthu simmwisivela Yehova. (Mt 4:4) Opwaha mwa yeeyo, nintthuneya weera ninvekeleke Yehova weera anikhavihere okosoopa sowinlela sahu. Mwaha wa heeni? Mwaha weera Yehova oosuwela etthu eri yootepa otthuneya nave tho owo ookhalano owera wookwanihera sowinlela sahu sooreera.—Nsa 145:16.

MOONELE EVIIDIYU ENEERA: MUHIHIYE EKUMI ANYU ENANARAKA NI MWIIXI, AVINYAKA MWAAKHULE MAKOHO ALA:

• Mwaha wa heeni atthu akina ananpahaaya soona?

• Etthu heeni soona okhanlaawe oowoopakelani?

• Mwaha wa heeni oraaya woonanara ompaha soona?—2Akor 7:1

• Munrowa owera hayi omuhiya ompaha soona?