Vaavo elapo ela enkelaaya noomala, moohihovela maxupo a ikhotto ni iterrorismo simwaatxeerereya. (Apok 6:4) Ninkela wiireherera moota heeni weera nivirihe maxupo awo?

• Mwiireherere moomunepani: Musomeke miruku ni sohimmwa sa mBiblyani seiyo sinkela waatxeerera nroromelo nanyu wa Yehova ni mareherero awe. Nave-tho, musomeke sohimmwa sinkela wookhaviherani oheerela empari elapo. (Mir 12:5; Jr-T epax. 125-126 eparag. 23-24) Nave ontthuneya olipiha onthamwene ahu ni asinna ammulokoni vaanano va.—1Ped 4:7, 8

• Mwiireherere weerutthuni: Mumpake palano wa ele munkelaanyu opaka wakhala weera etthu ekhumelenle enawootxeelihani okhuma owannyinyu. Mukhaleno yootxa yookwanela owannyinyu. Opwaha mwa yeeyo, mukhaleno palano ootthawa. Nwehexexe itthu siri mpastani mwanyu yootthawano, nave muhele mpastani mwanyu mmo, musurukhu ni itthu soowiisepihano, ntoko iluva ni mascara. Nave musuwele moota munkelaanyu wuuluma ni asitokweene ammulokoni ni moonexexe weera awo aakhalano numero nanyu.—Yes 32:2; g17.5-T epax. 3-7

Mpuwa mwa maxupo, nvirelele otthara eprograma anyu ya itthu soomunepani. (Af 1:10) Waahikhala wootthuneya muhimakeleke othaama. (Mt 10:16) Opwaha mwa yeeyo, mukawaneke ni atthu akina yootxa ni itthu muraanyuno.—Arom 12:13.

MOONELE EVIIDIYU ENEERA: NINROWA WIIREHERERA HAYI WEERA NIVIRIHE MAXUPO A ERISA? AVINYAKA MWAAKHULE MAKOHO ALA:

• Yehova onrowa onikhavihera hayi yakhumelela erisa?

• Nintthuneya opaka eheeni weera niireherere?

• Ninkela waakhavihera hayi atthu ephwanyinwe irisa?