“Yahvéh onnasiveliwa ni muloko awe.” (Nsal 149:4) Nnaamweera nreene atthu oohimalela, Yehova onnoona mikhalelo sahu sooreera ni wiilipihera wahu. Ikwaha ikina onnaxupa woona mikhalelo sahu. Apaale, mwaha wooweera atthu akina khennikosoopa nnene, ni owanano mukhalelo woohiisoonelamo. Naari pooti hiyo wuupuwelela itthu soonanara nipankaahu khalayi, nuupuwelaka weera Yehova khorwa onisivela. Etthu heeni enrowa onikhavihera wakhala weera nookhalano miyuupuwelo iyo?

Muupuweleke weera Yehova khanoona itthu ntoko atthu anoonaaya. (1Sam 16:7) Eyo entaphulela weera owo onnoona itthu nraahuno hiyo nihinweraahu woona. Menento ti woolipiha osuwela weera moorweela mwa Biblya, hiyo ninnawera woona moota Yehova onnoonelaawe. Vaavo nimmusomaahu Biblya, hiyo ninnawera woona moota Yehova onsiveliwaawe ni ale emmukokhorela.

MOONELE EVIIDIYU ENEERA: MUROROMELEKE WEERA YEHOVA OHOOLEVELELANI. AVINYAKA MWAAKHULE MAKOHO ALA:

• Niphwanaphwaniho na mmiravo ontthimaka ni apapawe ninnixuttiha eheeni woohima sa moota Yehova onnoonelaawe?

  Your answer

• Wakhala weera mutthu mmoha oopaka yoottheka etokotoko ni onnapaka mavalo ootthuneya weera attikixere onthamwene awe ni Yehova, etthu heeni enrowa omukhavihera omaaliha murima awe wa Muluku?—1 Yohani 3:19, 20

  Your answer

• Osoma ni ophimelela yooweereya ya David ni Yosafati yaamukhavihenre moota heeni munna ole?

  Your answer