27 a Maio–2 a Junho
MASALMU 42-44
Etxipo 86 ni Nivekelo | Masu oohulela (emin. 1)
1. Muttottele mureerelo sooxuttiha sa Yehova
(imin. 10)
Muttotteleke mureerelo iparakha weera mmukokhoreleke Yehova ni atthu akina, otepaxa wene mwaneene anyu wawereya vale (Nsa 42:5, 6 [42:4, 5, Tradução do Novo Mundo]; w06-T 1/6 epaax. 9 eparag. 4)
Muhinaaye osoma masu a Muluku nvekeleke (Nsa 42:9 [42:8, NM]; w12-T 15/1 epaax. 15 eparag. 1)
Mweemerere weera ikhaikhai sa mBiblyani seettiheke itthu sootheene sa mweekumini mwanyu (Nsa 43:3)
Sooxuttiha sa Muluku sinnanlipiha weera niwere oviriha sooweerera ni okhala moovarihana ni wiivaherera wahu. — 1Ped 5:10; w16.09-MAC epaax. 5 eparag. 11-12.
2. Othokorora itthu soomunepani
(imin. 10)
-
Nsa 44:20 [44:19, NM] — Entthuna ohima eheeni masu ooweera “vanipuroni na akusupa”? (it-1 epaax. 479 eparag. 3)
-
Itthu heeni sootthuneya mphwannyaanyu emaara mwaamusomaanyu Biblya esemana ela?
3. Omusoma Biblya
(imin. 4) Nsa 44:2-27 [44:1-26, NM] (th-MAC 11)
4. Otthekula woopatxera
(imin. 4) EMPA NI EMPA. Mpatxerihe yoosoma ya Biblya. (lmd yoosoma 5 epontu 5)
5. Munnuwiheraka opwatthela
(imin. 5) EMPA NI EMPA. Munwope mutthu owo weera oonele mithukumano. Mwiiwanyeihe eviidiyu eneera Eheeni eneereya empa ya Omwene ya Anamoona a Yehova? (lmd yoosoma 7 epontu 5)
6. Mwaha
(imin. 3) lmd apendice A epontu 4 — Muru: Atthu ootheene enookhalano ekumi yoomalela. (th-MAC 2)
Etxipo 21
7. Mpake soothanla mwa miruku woohima sa osoma ni muteko
(imin. 15) Mwaha.
Amiravo, munnuupuwela etthu munrowaanyu opaka mwamaliha osoma? Nyuwo pooti wuupuwela muteko onrowa wookhaviherani okhala pioneiru. Naari apaale munuupuwela ovirelela osoma weera musuwele itthu sintxipale, naari weera mukhaleno itthu seiyo sinrowa wookhaviherani ophwanya muteko. Ela etempu yootepa ohakalaliha mweekumini mwanyu! Nnaamweera vareene hiiho, ikwaha ikina nyuwo pooti oxupeya mwaha wa soothanla sanyu, naari mwaha wa okhanyereriwa opaka soothanla sinaasivela atthu akina. Eheeni enrowa wookhaviherani opaka soothanla mwa miruku?
Mmusome Matheyo 6:32, 33. Avinyaka mpake makoho ala:
-
Mwaha wa heeni oraaya wooreera okhalano sooluluwanya soomunepani muhinaaye opaka soothanla sootthuneya woohima sa osoma ni muteko?
-
Asitiithi enrowa waakhavihera hayi anamwane aya ovarihela muteko yoolepa ya Matheyo 6:32, 33? — Nsa 78:4-7
Mwiikosoope weera murima wootthuna mihakhu naari otthuna ovuwa sihivoleele soothanla sanyu. (1Yoh 2:15, 17) Muupuweleke weera, okhalano mihakhu pooti omweeriha mutthu ohaakhulela mitthenka sooreera sa Omwene. (Lk 18:24-27) Waasa mihakhu ti woovirikana ni wunnuwa moomuneepani. — Mt 6:24; Mk 8:36.
Moonihere EVIIDIYU Mwiikosoope weera muhiroromele itthu simmala! — Mihakhu. Avinyaka mpake nikoho nna:
-
Yoolepa ya Miruku 23:4, 5 enrowa wookhaviherani moota heeni opaka soothanla mwa miruku?
8. Osommwa wa Biblya mmulokoni
(imin. 30) w22.02 Mwaha onthokororiwa 2 eparag. 1-9
