Mpasika oomalihera a Yesu arowa okhala oothanleya. Owo asuwela weera aamookhwa. Mwaha wa yeeyo, owo apaka mareherero weera amutxe mpasika vamoha ni ohuseraawe. Nave opatxeriha etthu enyowani: yootxa ya Apwiya. Yesu anvekela Pedru ni Yohani oreherera nipuro yarowaaya ompakelamo mpasika. (Lk 22:7-13; moone elataratho ya vakaapani) Eyo ennanixuttiha weera hiyo tho onnatthuneya wireherera naarowelaka woonela muthukumano wowuupuwelela onrowa opakiwa nihiku na 27 a Março. Voohihovela miloko soothanla nipuro nothukumana, munna onrowa opaka mwaha, anamathonyera, ni asinna anrowa opaka ithoonyero. Vano, nyuwo munrowa opaka eheeni weera mwiireherere weera moonele muthukumano wa wuupuwelela?

Murehere murimaanyu. Musomeke soolepa sa ehuhu yowuupuwelela nave mupuweleke ele munsomaanyu. Nyuwo munoophwanya soolepa iyo mulivuruni mwa Ovarerya Soolempwa Khuta Nihiku, mwatthunaka osuwela vantxipale nwehe va apendice B12 a Tradução do Novo Mundo da Bíblia Sagrada. (Nave tho pooti onweha Kadernu a va mweerini Abril 2020) weera mphwanye nyaha mikina sinuluma otthuneya wa nlivo, weera musomeke vatthokoni vanyu, nwehe va Índice das Publicações da Torre de Vigia naari Guia de Pesquisa para Testemunhas de Jeová.

Mwawopeke atthu akina weera yoonele muthukumano wo wuupuwelela. Mwiilipihere weera mwaawope atthu antxipale. Mmupuwele ole muntthunaanyu onwopa. Mwa ntakihero: atthu munaxekuraanyu, atthu yaamusoma Biblya ni nyuwo, atthu mwasuwenlaanyu ni amusi anyu. Asitokweene a mmulokoni ewupuweleke ale yemexenre othukumana ni olaleya. Ankhanto mwanwopa mutthu ohinkhala muttetthaanyu? Murowe va jw.org,muttapunye HIYO TAANI avinyaka “wuupuwelela” nyuwo mwaphiya nipuro nna munophwanya nipuro ni ewoora onrowaaya opakiwa muthukumano wowuupuwelela muttetthe onkhalaiye mutthu owo.

Etthu heeni ekina nikhanlaahu oopaka weera niireherere weera nrowele muthukumano wowuupuwelela?