Soweeha pooti onikhulumula, otepaxawene sooweha iyo saapisaka ovira. Davidi annasuwela weera sooweha aakhumanaaweno mwaha wa mwene Sawuli saakela omala nihuku owo eraawe akhale mwene ntoko Yehova alaihenraawe. (1Sam 16:13) Mwaha wa nroromelo Davidi aaraaweno owo aawera opixa murima anwehereraka Yehova weera aphuke mulattu ole.

Naavirihaka maxupo, apaale onnatthuneya okhala amiruku nave ovarihela muteko osuwela ni muupuwelo ahu weera niwere oviriha maxupo awo. (1Sam 21:12-14; Mir 1:4) Maxupo makina pooti ovirelelaka nnamweera nipankeene itthu sootheene ninweraahu moovarihana niile Biblya onwimaawe. Mwa mukhalelo ntoko ola ontthuneya opixa murima nave onweherera Yehova. Mwaha weera moohipisa owo onoorowa omaliha ohaawa wootheene ‘ni anapuputthe maithori othene ammaithoni mwahu’. (Apok 21:4) Nihiphwatthaka waari weera anoovira maxupo ahu mwaha wookhaviheriwa ni Yehova naari nivirinhe mwaha wa etthu ekina. Mene etthu ninsuwelaahu tiila: Nookhala nihuku sinrowaaya omala sooweeha sootheene. Osuwela eyo ennanimaaliha.

MOONELE EVIIDIYU ENEERA: MULOKO WOOWIIRAANA ORI ELAPO YOOKAWANYEYA. AVINYAKA MWAAKHULE MAKOHO ALA:

• Maxupo heeni asinna akina avirinhaaya osul wEstados Unidos?

• Moota heeni awo yaakhanlaaya oopixa murima ni ansivelo?

• Asinna awo yaapanke eheeni weera ewere “othanla itthu sootepa oreerela” (“otthuneya”, enoota)?—Af 1:10 bi7ls-MAC