Atthu paahi arinono mikhalelo sooreera enwera okhalano onthamwene ni Yehova. (1Ped 1:14-16) Vaavo anamasoma a Biblya enhiyaaya opaka itthu soonanara, eyo ennakhavihera emusi aya, ekumi aya ni ennaakhavihera tho ohinanariha musuruku.

Mmuleele namasomaanyu voohima sa ele Yehova onhimaawe weera ti yooreera naari ti yoonanara, mmukhavihere namasomaanyu wiiwexexa mwaha wa heeni Yehova onuupuwelaawe mooteene hiiho, nave mmoonihere mireerelo mutthu omphwanyaawe waamwiiwelelaka vale Yehova. Yoolakelaanyu ekhaleke omukhavihera namaasomaanyu otxentxa moota onuupuwelaawe. Wakhala weera owo ootxeetxa moota onuupuwelaawe, onrowa okhala wookhweya opaka matxentxo. (Aef 4:22-24) Mmuupuxereke veeli-veeli namasomaanyu weera akhaviheriwaka ni Yehova, owo pooti owera owina mukhalelo awe woonanara. (Af 4:13) Mmuxuttihe namasomaanyu weera emaara yeeyo owo onkhalaaweno muupuwelo wootthuna opaka etthu yoonanara, apakeke nivekelo, anvekelaka Yehova weera anvahe ikuru sa owera owina mukhalelo awe woonanara. Ohiya eyo paahi, mmukhavihere namasomanyu oweha ni osempa itthu seera simweerihe opaka yoottheka. Mmooperere namasomanyu otxetxaniha soopaka sawe soonanara ni sooreera. Emaara nnanwehaahu namasomaahu apakaka matxetxo mweekhumini mwawe mwaha wookhaviheriwa ni Yehova, ohakhalala wahu onnaatxeerereya!

MOONELE EVIIDIYU ENEERA: MMUKHAVIHERE OLE MUNAMUSOMIHAANYU BIBLYA OHIYA MIKHALELO SOONANARA, AVINYAKA MWAAKHULE MAKOHO ALA:

• Neereke Sara ni asitokweene ammulokoni yoonelelakaru weera Jade ookhalano mukhalelo woonanara yaanyonyiwa?

• Etthu heeni ekina Sara aapankaawe weera amukhavihere Jade?

• Jade aapanke eheeni weera aasaase nikhavihero na Yehova?