Mahuku ala irisa sa ephattu sinoovira sikhumelelaka. Vaavo enkhumelelaaya erisa ya ephattu, makhavihero anvahiwa entthuneya okhala oorehereya moowaakuveya ni moowiiwanana. Nto mwaha wa yeeyo, Mukuttula Woolamulela wooreherera weera iBetheli sootheene sikhaleno edepartamentu yowakhavihera atthu emphwanyiwa ni irisa sa ephattu.

Vaavo asinna a edepartamentu ela ensuwelaaya weera muttetthe mmoha yookhumelela erisa ya epahattu, awosa moowaakuveya annaalikarela asitokweene a muttetthe ole weera esuwele nikhavihero heeni asinna awo entthunaaya. Nto wakhala weera asinna a muttetthe ole khekhanleno itthu weera yiikhavihere, eBetheli ennaathanla asinna weera yaakhavihere asinna ephwanyinwe ni erisa ya ephattu. Asinna awo pooti waathanla asinna owiivaherera naari oroiha itthu sinhaaweliwa apaale awosa pooti otthuma itthu sinhaaweliwa weera yaavahe asinna awo.

Weettiha itthu moota ola, tiwooreera ni itthu sinnakhumela nnene. Mwaha wooweera ninnasepa oyeeha ikuru mahaleene, onyakulihana, oriha musurukhu ni itthu ikina. Itthu iya sinneereya vaavo asinna empakaaya itthu ehittharaka miruku.

Asinna oothanliwa ni eBetheli pooti ohima musurukhu mukavi onhaaweleya ni asinna akavi entthuneya weera ekhavihere muteko owo. Ni asinna awo pooti wuuluma ni ahooleli a muttetthe owo, yaawo ennikhavihera ikwaha sintxipale okhumela nnenesene muteko ahu. Wakhala weera atthwaala kheethanlinwe, eheerereke ovekela mutxanko, oroiha itthu naari orowa nipuro nno muhiwonpwale.

Ekhaikhai weera saakhumelaka irisa sa ephattu, hiyo ninnatthuna okhavihera. (Aheb 13:16) Mwaha wooweera hiyo ninnaasivela asinna! Nto etthu heeni ninrowa ahu opaka? Etthu nintthuneya ahu opaka ori waavekelela asinna awo ephwanyiwe ni erisa eyo, ni waavekelela asinna yiivaherenre weera yaakhavihere asinna awo. Nave tho hiyo pooti opaka idonativo para obra mundial. Ni miruku envahiwaaya ni Mukuttula Woolamulela, iFiliyaale siri soolikaneene weera ehime woowi onkelaaya okhavihera musurukhu owo. Wakhala weera nyuwo munnatthuna okhavihera sakhumelela irisa sa ephattu, nyuwo pooti wiivaherera weera mpriyenxeri ePetição para Voluntário do Departamento Local de Projeto/Construção (DC-50).

MOONELE EVIIDIYU ENEERA: OSARA WA MAAHI ONNANANARIHA ITTHU OBRASIL. AVINYAKA MWAAKHULE NIKOHO NNA:

Etthu heeni yoottunttheni murima wa muteko wookhavihera irisa sa ephattu Anamoona a Yehova apankaaya oBrasil eyaakha ya 2020?