29 a Abril–5 a Maio
MASALMU 34-35
Etxipo 10 ni Nivekelo | Masu oohulela (emin. 1)
1. ‘Kini kinvuwihe Yehova ehuhu eri yootheene’
(imin. 10)
Davidi annanvuwiha Yehova nnaamweera aaviriha maxupo (Nsa 34:2; [34:1, NM], w07-T 01/3 epaax. 22 eparag. 11)
Davidi annamuttottopela Yehova, ohiya wiittottopela (Nsa 34:3-5 [34:2-4, NM]; w07-T 01/3 epaax. 22 eparag. 13)
Masu a Davidi onvuwiha Yehova, yaahaalipiha ale yaamutthara (Nsa 34:6 [34:5, NM]; w07-T 01/3 epaax. 23 eparag. 15)
Davidi avuluwakaru mmatatani mwa Abimeleki, alopwana 400 yaari moovelavelani mwaha wa mwene Sawuli, yaatakanserana ni Davidi. (1Sam 22:1, 2) Pooti weeraka Davidi aawuupuwelela alopwana ala vaavo uulumaawe Nsalmu nna. — Nsa 34, masu a vasulu.
MWIIKOHEKE HA, ‘Moota heeni kinrowaaka onvuwiha Yehova mmasuni mwaka mithukumano sinttharelana?’
2. Othokorora itthu soomunepani
(imin. 10)
-
Nsa 35:19 — Mwaha wa heeni Davidi anvekenlaawe Yehova weera ahaahiye amwiittani awe ‘ewaphilaka maitho’? (w06-T 15/5 epaax. 20 eparag. 2)
-
Itthu heeni sootthuneya mphwannyaanyu emaara mwaamusomaanyu Biblya esemana ela?
3. Omusoma Biblya
(imin. 4) Nsa 34:2-23 [34:1-22, NM] (th MAC 5)
4. Otthekula woopatxera
(imin. 2) OLALEERA WOOHIIREHERERA. Mwaha onnamala muhinaaye ovaha onamoona. (lmd yoosoma 1 epontu 4)
5. Munnuwiheraka opwatthela
(imin. 4) OLALEERA WOOHIIREHERERA. (lmd yoosoma 2 epontu 4)
6. Mwiiwanyeihaka soororomela sanyu
Etxipo 59
7. Mikhalelo tthaaru sa moota wonvuwiha Yehova mmithukumanoni
(imin. 15) Mwaha ni makoho vakhaaneene.
Nookhalano iparakha sintxipale sa moota wonvuwiha Yehova mmithukumanoni. Nrowe noone itthu tthaaru.
Ootthekula: Mwaavaanelaka ni atthu akina, muulumeke oreera murima wa Yehova. (Nsa 145:1, 7) Nyuwo mohiiwa naari osoma itthu sookhavihenreni? Nyuwo mookhumela nnene mmutekoni moolaleera? Ookhala mutthu opanke naari uulumme etthu yoolipinheni? Nyuwo mohoona etthu yootikhiniha mwa soopattuxiwa? Itthu sootheene iya soopattuxiwa sa Yehova. (Yak 1:17) Mweerereke ophiya omithukumanoni sihinaaye opatxera mithukumano weera mutthekule ni atthu akina.
Ikomentaariyu: Nvaheke ikomentaariyu mmithukumanoni. (Nsa 26:12) Nyuwo pooti ovaha ekomentaariyu yooluluwanya, waatxeerera, okomentari yoolepa, okomentari efootu naari etthu ekina envarihana ni mwaha onthokororiwa. Muupuweleke weera atthu akina enoorowa ovenxa ntata vaavo munrowaanyu ovenxa, nto mureherereke ikomentaariyu sintxipale. Nvaheke ikomentaariyu sa isegundu 30 naari ohiphiya weera mwaavahe eparakha atthu akina weera ‘emuhele makeya oomutthapela Muluku’ naari neere, weera envuwihe Yehova ni ikomentaariyu saya. — Aheb 13:15.
Itxipo: Mweepeke ni murima wootheene mmithukumanoni. (Nsa 147:1) Nyuwo pooti ohiwera okomentari mmithukumanoni, otepaxa wene miloko soowaattiwa. Mene nyuwo pooti weepa itxipo sa omwene. Pooti muupuwelaka weera nyuwo khamuneepa nnene, muupuwele moota Yehova onhakalalaawe vaavo nyuwo mumpakaanyu ele munweraanyu! (2Akor 8:12) Onnatthuneya oreherera itxipo mureene owaani.
Moonihere EVIIDIYU Yooweereya elempwale ni Yehova — Yeepaka ni murima wootheene, eparte 1. Avinyaka mpake nikoho nna:
Moota heeni hiyo nnooniheraahu okhuma woopatxerani wa mareherero a Yehova weera weepa itxipo sonvuwiha Yehova etthu yootepa otthuneya?
8. Osommwa wa Biblya mmulokoni
(imin. 30) w22.01 Mwaha onthokororiwa 5 eparag. 1-11
