4-10 a Março
MASALMU 16-17
Etxipo 111 ni Nivekelo | Masu oohulela (emin. 1)
1. ‘Yehova, naapwiipwi a itthu sooreera’
(imin. 10)
Opaka onthamwene ni ale emmukokhorela Yehova onnaniphwanyiha ohakalala (Nsa 16:2, 3; w18-MAC. 12 epaax. 23-24 eparag. 11)
Vaavo nnaakhuleliwaahu ni Yehova hiyo ninnahakalala (Nsa 16:5, 6; w14-MAC. 15/02 epaax. 29 eparag. 4)
Okosoopiwa moomunepani ni Yehova onnaneeriha wiisoona okhala oovareleleya (Nsa 16:8, 9; w08 15/02 epaax. 3 eparag. 2-3)
Hiihaale ntoko Davidi, ekumi ahu yookhalano yootthuna mwaha wooweera eneettihiwa ni omukokhorela Yehova, ori naapwiipwi a itthu sooreera.
MWIIKOHEKE HA, ‘Moota heeni ekumi aka etxentxalaaya kisuwelakaru ekhaikhai?’
2. Othokorora itthu soomunepani
(imin. 10)
-
Nsa 17:8 — Entaphulela eheeni masu ooweera “erima ya nitho”? (it-2 epaax. 349-350 eparag. 2-3)
-
Itthu heeni sootthuneya mphwannyaanyu emaara mwaamusomaanyu Biblya esemana ela?
3. Omusoma Biblya
(imin. 4) Nsa 17:1-15 (th MAC 5)
4. Opatxeriha otthekula
(emin. 1) EMPA NI EMPA. Muhiye nwopelo wa wuupuwelela okhwa wa Yesu. (th MAC 11)
5. Opatxeriha otthekula
(imin. 3) EMPA NI EMPA. Muhiye nwopelo wa wuupuwelela okhwa wa Yesu. Wakhala weera mutthu owo ohoonihera ntthuno, mmoonihere eviidiyu Mupuwelele okhwa wa Yesu. (th MAC 9)
6. Opatxeriha otthekula
(imin. 2) OLALEERA WOOHIIREHERERA. Muhiye nwopelo wa wuupuwelela okhwa wa Yesu. (th MAC 2)
7. Waapaka atthareli
(imin. 5) lff yoosoma 14 ohulela ni epontu 1-3 (th MAC 6)
Etxipo 20
8. Ninkela wiirehera hayi weera noonele muthukumano wa wuupuwelela?
(imin. 15) Mwaha ni makoho vakhaaneene.
Nittharaka nlamulo na Yesu, nihiku na 24 a Março eDomingu hiyo nnoorowa othukumana weera nuupuwelele okhwa wa Yesu Kristu, weiwo onhela mpuwa itthu piili seiyo sinoonihera nsivelo. (Lk 22:19; Yoh 3:16; 15:13) Ninrowa wiirehera hayi wa muthukumano owo woothanleya?
-
Mpake ele munweraanyu weera nvare muteko woolaleera etempu ya ekampaanya, mwaawopeke atthu weera yiiwelele mwaha woothanleya ni muthukumano wa wuupuwelela. Mpake eliista ya atthu munkelaanyu waawopa, ni mwaawope. Wakhala weera mutthu mukina onkhala ottayi wa muttetthe anyu mwaasaase va jw.org ewoora ni nipuro onrowaaya opakiwa mwaha owo woothanleya ohela mpuwa muthukumano wa wuupuwelela muttetthe onkhalaawe
-
Mpuwa mwa mweeri wa Março ni Abril, mwiilipihere ovara muteko woolaleera. Neereke munnuupuwela ovara ntoko pioneiru ookhavihera nveleelaka iwoora 15 naari 30?
-
Nihiku na 18 a Março, mpatxere osoma sooweereya sootepa otthuneya sa isemana soomalihera sa ekumi ya Yesu elapo ela ya vathi. Nyuwo pooti othanla iwoora ikavi munrowaanyu osomaka va nihikuni muttharaka “eprograma ya omusoma Biblya ya wuupuwelela okhwa wa Yesu a 2024” va ipaaxina 6-7
-
Nihiku na wuupuwelela moonele mwaha woothanleya onrowa opakiwa va jw.org
-
Omuthukumanoni wa wuupuwelela nwaakheleke mwa nttittimiho ni nsivelo ale mwaawompaanyu waahela mpuwa ale yeemexenre onvarela Yehova. Mukhaleke oolikaneene waakhula makoho eraayano. Nvaanele ni atthu ale entthuna oxuttera itthu sintxipale weera mwaaxekure
-
Ohinaaye naari ovinreene muthukumano wa wuupuwelela mphimelele woohima sa mukuttho
Moonihere EVIIDIYU Muupuwelele okhwa wa Yesu. Avinyaka mpake nikoho nna:
Ninrowa ovarihela hayi muteko eviidiyu ela mpuwa mwa ekampaanya ya wuupuwelela?
9. Osommwa wa Biblya mmulokoni
(imin. 30) w22.01 Mwaha onthokororiwa 1 eparag. 1-9
