Ninkhala omamalihero wa “mahiku oomalihera”, ni noosuwela weera itthu sineereke ovirelela oxupa. (2Tim 3:1; nota da Bíblia de Estudo em Mt 24:8) Yakhumelela erisa, Yehova onnanivaha miruku ninhaawelaahu ehuhu yooreerela. Nto nintthuneya wiireherera. Otthara miruku Yehova onnivahaawe olelo va, pooti ovuluxa ekumi ahu muhoolo.—Lk 16:10.

• Mwiireherere momunepani: Muthokororeke nnene sootthuneya soomunepani. Mulaleereke moohiyana-hiyana. Mwavalaana ehuhu vakhaaneene ni asinna a muloko anyu, muhikattamiheye. (Yes 30:15) Muhiphwathaka maxupo yoophwannyeni, nyuwo khamukhanle ottai ni Yehova ni Yesu.—od-MAC epax. 176-177 eparag. 15-17

• Mwiireherere moota mukina: Mutthu ti mutthu ahiyo ontthuneya okhalano epasta ekhaanene yookweya okuxa yakhumelela erisa. Opwaha mwa yeeyo emusi entthuneya okhalano itthu vakhaaneene ntoko iya: yootxa, maahi ni murette. Itthu iyo sinimookhaviherani wakhala weera munookhala ehuhu vakhaaneene owannyinyu muhikhumaka.—Mir 22:3; g17.5-T epax. 4-5

MOONELE EVIIDIYU ENEERA: MUNKELA OPAKA EHEENI EHUHU YA ERISA. AVINYAKA MWAKHULE MAKOHO ALA:

• Ninrowa wiireherera hayi moomunepani ehinaaye okhumelela erisa?

• Heeni nintthuneyaahu . . .

  • (1) olokolola ni asitokweene oomulokoni?

  • (2) omurehera pasta ahu ootthawano yakhumelela erisa?

  • (3) wanyihera irisa sikhanle sookhumelela, nave wuupuwela etthu yoopaka wa erisa ni erisa?

• Impari heeni tthaaru nintthuneyaahu omukhavihera ale yamphwannye erisa?

MWIKOHEKE HÁ: ‘Eheeni miyo kikhanlaaka oxuttera voohima sa okhala oorehereya ni eretta ya coronaviru?’