Onam 5:5-7, 11

Ana Israeli yaakhalano eparakha yookhalano ontthamwene wooreera ni Yehova. Hata ale yaari oohaawa, yakhalano eparakha yooveleela soovaha soomusivela Yehova. Mwa yeeyo etthu yootthuneya waari ovaha ni murima wootheene ele yaarayano. Mwa ntakihero, ana a Israeli yaari oohaawaxa yaavaha empari yanamuloko ya ‘Efa ya ephepa ya etrigu’, yaruweliwa atthu oothanleeya. (Eph. 18:6) Olelo va, soovaha sahu “sinnanvuwiha” Yehova naavaraka muteko awe ni murima wootheene. Naari nihiweraka opaka ele nintthunaahu, wakhala weera ninvara ni murimaahu wootheene, wiilipiherawahu iwo onnamusivela Yehova. — Aheb 13:15.

Mwaha wa heeni oraaya wootthuneya osuwela eyo wakhala weera nyuwo khamunwera opaka itthu mwampakelaanyu Yehova, muhinaaye okhalano maxupo a ekumi naari muhinaaye okwaaxa?